O Trofeo Pista de As Faias celebra os seus trinta anos de competición ciclista no Rosal
A proba, organizada polo Club Ciclista O Rosal en colaboración co Concello, acollerá a 200 deportistas de sete categorías este 27 de agosto
Infogauda / O Rosal
O
Trofeo Pista de As Faias celebra esta fin de semana os seus trinta anos rodando
no Rosal. Este sábado 27 de agosto arredor de 200 deportistas das categorías escola,
promesa, principiantes, alevíns, infantís, cadetes e junior feminino
participarán na XXX edición desta proba organizada polo Club Ciclista O Rosal
en colaboración co Concello. Unha proba federada de relevancia no Circuíto
Galego que encherá Tabagón do mellor ciclismo a partir das 16.00 horas.
A
alcaldesa do Rosal, Ánxela Fernández Callís, quere dar os parabéns ao club “non
só por todo o esforzo realizado durante décadas para manter viva esta proba,
senón tamén polo gran traballo polo deporte e a educación en valores que fan
tempada tras tempada”. “É un orgullo contar cun club comprometido que inculca
aos nosos nenos e nenas o valor do esforzo, da paixón ou da superación e que
continúan a formar a unha canteira que sen dúbida dará grandes profesionais do
ciclismo”, recalcou.
A
rexedora convida a afeccionados e afeccionadas a acudir ás pistas das Faias
para desfrutar dunha tarde de bo ciclismo.
Ningún comentario:
Publicar un comentario