O Consello Climático organiza unha Xincana na Guarda
• O inicio da proba será o sábado 9 de abril ás 11:00 horas, na praza do Reló
Infogauda / A Guarda
O Concello de A Guarda en colaboración co Consello Climático e o Fondo Galego de Cooperación e Solidariedade, organiza unha xincana en favor do planeta Terra. A proba terá lugar o vindeiro día 9 de abril, ás 11.00 horas, na praza do Reló.
O evento consistirá na realización dun percorrido polo centro urbano de A Guarda con diferentes paradas para realizar retos e probas cos que os participantes obterán unha puntuación e unha pista para unha proba final.
A participación está recomendada para maiores de 12 anos polos coñecementos e habilidades necesarias para superar as probas. Existen dúas categorías: xeral (grupos de máximo 3 persoas maiores de 12 anos) e familiar (familias de ata 5 membros nos que pode haber menores de 12 anos).
Como mínimo unha persoa de cada equipo participante deberá inscribirse no seguinte formulario e ler as bases de participación da actividade.
Os participantes deben acudir con roupa e calzado cómodos para poder realizar os desprazamentos a pé. Non se permite o uso de patinetes, bicicletas nin ningún outro tipo de vehículos para a realización da proba.
Entregaráselle a cada equipo un mapa cos puntos aos que teñen que acudir para superar as diferentes probas. Pódense empregar móbiles e outros dispositivos para os desprazamentos. En cada proba, a persoa encargada da explicación e realización da mesma indicará aos participantes as normas para levala a cabo e o material que poden empregar. A proba ten unha duración máxima de 2horas e 30 minutos.
Para calquera dúbida contactar con informacion@aguarda.es
Ningún comentario:
Publicar un comentario