A GUARDA

A PLATAFORMA EN DEFENSA DA SANIDADE PÚBLICA DA GUARDA CHAMA A PARTICIPAR NA  CONCENTRACIÓN DO DÍA 24 EN VIGO  

A concentración convocada por todas as Plataformas da área sanitaria  realizarase diante do edificio da Xunta en Vigo ás 11:30 da mañá e saírán autobuses gratuítos desde a comarca  

Plataforma en Defensa da Sanidade Pública da Guarda

 A Plataforma en Defensa da Sanidade Pública da Guarda chama a veciñanza a participar na concentración en defensa da Sanidade Pública convocada por todas as Plataformas en Defensa da Sanidade da Área Sanitaria de Vigo o próximo xoves día 24 de marzo ás 11.30 da mañá diante do edificio da Xunta de Galiza en Vigo. Sairán autobuses gratuítos desde a comarca e calquera persoa que queira participar pode anotarse chamando ao 986 610 465.  

 Desde a Plataforma Guardesa manifestamos que o nível de deterioro da Sanidade Pública requere respostas conxuntas da cidadanía para premer a Xunta de Galiza diante do deterioro progresivo ao que levan sometendo este servizo público esencial.  

 A Plataforma está convencida que só coa mobilización da cidadanía  imos ser capaces de frear o deterioro da sanidade e afianzar certos  logros como o que acabamos de conseguir despois de moita presión e moitas mobilizacións. Transitoriamente o PAC da Guarda ven de ser dotado cun nov@ médic@ para urxencias. Considerámolo un logro importante e felicitámonos por telo conseguido, pero é unha medida incompleta porque tería que vir acompañado por un/unha enfermeir@ adicional que complete este segundo equipo de urxencias e debemos manternos vixilantes para que non se revirta esta decisión.  

 Continuamos esixindo, asimesmo, a cobertura completa das ausencias do Centro de Saúde e a dotación dunha ambulancia medicalizada para o Baixo Miño.