IV HOMENAXE POLA MEMORIA DO BAIXO MIÑO
Sábado 18 de decembro, ás 12:00 h., na Alameda de San Miguel
Informa: Asociación Cultural Xuliva
Despois de ter que cancelar a homenaxe do ano pasado pola Covid, este ano voltamos con máis folgos e máis forza, homenaxeando a José Cardoso Martínez, "O barbeiro de Tabagón", nacido en San Miguel de Tabagón en 1904 e asasinado mediante o "paseo" ás aforas de Goián o 5 de agosto de 1936. Foi o primeiro asasinado da zona.
A homenaxe será o próximo sábado 18 de decembro ás 12h na Alameda de San Miguel, coorganizada polo C.S. Fuscalho, a A.C. Carballas e a A.C. Xuliva, e na que contaremos coas intervencións de:
· Carlos Méixome, escritor e historiador especializado na represión franquista
· Marisa Guerra, poeta local
· Marcos Pérez, bisneto de José Cardoso
· Ánxela Fernández, alcaldesa do Rosal
· Moncho Leal, activista pola memoria histórica
· Lara Villaverde, cantautora tomiñesa
Ao remate haberá un xantar de confraternización nas Brasas, aberto a todo o mundo, baixo reserva a través do 605 789 915.
Agradécese a máxima difusión posíbel.
Non esquezamos o pasado, para termos futuro.
Ningún comentario:
Publicar un comentario