A GUARDA

NURIA VÁZQUEZ VAI SUBSTITUÍR COMO CONCELLEIRA DO BNG NA GUARDA A Mª BEGOÑA GONZÁLEZ  

Tomará posesión do seu cárrego no pleno que se celebrará o vindeiro venres 26 de novembro

Mª Begoña González Martínez, Anxo Lois Baz Vicente e Nuria Vázquez Rodríguez, diante da Casa do Concello de A Guarda

 Infogauda / A Guarda

 Segundo está previsto no 2º punto da orde do día, correspondente á sesión plenaria ordinaria que a Corporación Municipal celebrará o vindeiro venres 26 de novembro; Nuria Vázquez Rodríguez tomará posesión do seu cárrego de concelleira, do BNG na Guarda, substituíndo a Mª Begoña González González.  

 Mª Begoña González Martínez renunciara ao posto por razóns de índole persoal que lle impiden adicarlle o tempo necesario ao desempeño da súa actividade como concelleira. 

 Pola súa banda, Nuria Vázquez, diplomada en Educación Social, declarou: “Síntome ilusionada  de asumir o cargo e procurarei  dar o mellor de min mesma para  contribuír xunto co resto de compañeiras e compañeiros do grupo municipal a traballar pola maioría dos guardeses e guardesas”.  

 Pola súa parte o portavoz municipal, Anxo Lois Baz Vicente, mostrou “o agradecemento a Begoña polo traballo desenvolto neste período” e considera que “a entrada de Nuria Vázquez neste momento,  vai axudar a  reforzar o traballo do grupo municipal do BNG”.