A GUARDA

II Encontro do libro Luso-Galaico da Ribeira do Minho

Nesta fin de semana, A Guarda e Caminha van acoller ese evento cultural  

  

Infogauda / A Guarda

 Esta próxima fin de semana vaise celebrar o II Encontro do libro Luso-Galaico da Ribeira do Minho, un evento concebido polo xornalista caminhense Luís Almeida, e preparado conxuntamente polos municipios de Caminha e A Guarda.

 O Encontro do libro Luso-Galaico da Ribeira do Minho pretende constituírse nun espazo de achegamento entre as dúas beiras do río Minho a través do mundo da escrita:  novelas, investigación histórica ou social, relatos infantís,..., son algúns dos exemplos que os visitantes a este evento poderán atopar ao longo da vindeira fin de semana na Praza de Avelino Vicente (A Guarda) e na Praça Conselheiro Silva Torres (Caminha), onde se desenvolverá de maneira simultánea.  

 O acontecemento constitúese de dúas partes diferenciadas: dunha banda a venda e exposición de libros publicados polos concellos galegos do Baixo Miño e polas câmaras municipais do Alto Minho portugués, e doutra banda a realización de actividades como presentacións de libros, recitais de poesía, concertos,…, que nos achegarán a nosa identidade literaria nun formato mais dinámico.  

 Aínda que o Encontro do Libro Luso Galaico é organizado polos concellos de Caminha e de A Guarda, tamén estarán presentes nel os diferentes concellos da ´raia´: Oia, O Rosal, Tomiño, Tui e Salceda de Caselas, do lado galego; e Caminha, Vila Nova de Cerveira, Valença do Minho, Monçâo e Melgaço.  

 De cara á programación complementaria (que se pode consultar e preinscribirse mais abaixo), cabe subliñar os concertos de Nelson Quinteiro “As nosas músicas d’aquí” e de Xardín Desordenado o venres, ou as presentación do ensaio “A Construcción da Fronteira Portuguesa” a cargo de Silvia Cernadas na tarde do sábado. O recital de diferentes poetas portugueses ou o concerto da Academia de Música Fernandes Fâo, completarán a programación do sábado en A Guarda. 

 Pola súa parte o grupo folk Na Revolta, de A Guarda, amenizará a noitiña do venres en Caminha e o domingo á tarde o autor Praxíteles González Martínez presentará na vila caminhense o seu traballo sobre o contrabando na fronteira miñota.  

 Pódese consultar o resto da programación e preinscribirse nas actividades do seu interese no programa adxunto e no enlace situado mais abaixo: 

PROGRAMA NA GUARDA 

Praza de Avelino Vicente

Venres 20 de Agosto

18:00h – Apertura do Encontro

19:00h – “As nosas músicas de A´qui”, da Compañía de Nelson Quinteiro

20:30h – Apertura oficial

Alcalde do Concello de A Guarda

Presidente da Câmara Municipal de Caminha

Presidente da União de Freguesias de Caminha e Vilarelho

Director do Jornal Digital Caminha@2000

21:30h – Concerto de “Xardín Desordenado”

Sábado 21 de Agosto

11:30h – Contacontos para nenos

12:00h – Presentación do libro “O Carocho do Río Miño”, de Brito Ribeiro

Presenta: Brito Ribeiro

Editorial: Nuceartes

12:40h – Concerto da Academia de Música

18:30h – Recital de Poesía de obras de autores da Ribeira do Miño “Krisálida”

19:30h – Relatorio “A Construción da fronteira na Idade Média”

Imparte: Silvia Cernadas

20:30h – Peche do Encontro 

Inscricións abertas en: https://www.woutick.es/evento/1617/entradas-ii-encontro-do-libro-luso-galaico-ribeira-do-mino