A GUARDA

Nenos e nenas da Guarda participaron en “A flote en Igualdade”  

· Actividade organizada polo Centro de Información á Muller (CIM) e a Concellería de Igualdade do Concello de A Guarda

As monitoras que coordinaron á actividade na praia da Ribeira

Fotos: C.A.G.

Infogauda / A Guarda

 O Centro de Información á Muller (CIM) e a Concellería de Igualdade do Concello de A Guarda organizou unha acción que tivo lugar onte xoves e consistiu nun encontro de nenas e nenos ao redor do xogo para a realización dunha xincana onde descubrir con que elementos a igualdade nos permite estar a flote e de que xeito a desigualdade pode acabar afundíndonos.  

Na imaxe, algúns dos participantes na xincana non competitiva

 Esta actividade na que participaron nenos e nenas de entre 5 e 10 anos realizouse na praia da Ribeira no porto de A Guarda.  

 Presentouse o xogo dunha xincana cooperativa (non competitiva) onde o traballo conxunto de nenas e nenos axudou a descubrir que para que a sociedade consiga estar a flote necesita da igualdade.  

 Esta actividade contou con financiamento do Pacto de Estado contra a violencia de xénero.