A GUARDA

A ASOCIACIÓN NATURALISTA "BAIXO MIÑO" (ANABAM) PUBLICOU UN NOVO NÚMERO DA REVISTA "CARRIZAL"

Correspondente a xaneiro e febreiro de 2021

 

               Portada da revista "Carrizal", correspondente aos meses de xaneiro e febreiro de 2021

 

Ricardo Rodríguez Vicente / A Guarda

 Novamente vimos de recibir de mans de Agustín Ferreira Lorenzo, presidente da Asociación Naturalista "Baixo Miño" (ANABAM), a revista "Carrizal". Nesta ocasión, o nº 5 (Época II), correspondente aos meses de xaneiro e febreiro de 2021.

 Impresa en papel reciclado, a revista leva na súa portada unha fermosa imaxe de dous exemplares de Dactylorhiza maculata, da autoría do fotógrafo naturalista Luis Dorado Senra, de Fornelos (O Rosal).

 Como noutros números precedentes, a publicación informa da composición da xunta directiva de ANABAM, así como do equipo responsable da mesma (director-coordinador, consello editorial e entidade editora), ademáis do enderezo social da asociación e formas de contacto.

  Tamén figuran os importes das cotas dos asociado, e información sobor do xeito de solicitar a alta como socio.

 En calquer caso, queremos salientar que no contido da revista "Carrizal", o lectorado vai atopar, debidamente ilustrados, con fotografías a toda cor, os seguintes artigos.

· A vivenda castrexa e os elementos que a conforman, de Antón Ferreira Lorenzo.

· Interpretación da costa sur guardesa e a súa relación coas pías salineiras, de Agustín Ferreira Lorenzo.

· Urces e carrascos da Serra da Groba, de Alfonso S. Rodríguez Salgado.

· Ladras no Baixo Miño, de Agustín Ferreira Lorenzo.

· Odonatos africanos no Baixo Miño. Cal será o seguinte?, de César Ayres.

· Escaravellos do Baixo Miño, de Javier Blanco Souto.

· Cooperativa O Alcouve da Mora. Cooperativa O Alcouve da Mora.

· Trametes versicolor, de Nerea Cazás Fraga.

· Rescate dun teixugo no Rosal, de Vanessa Alonso Gándara.

· Actividade para soci@s: de cogomelos polo Baixo Miño.

· Parcela doada a ANABAM.

· Subvención do concello guardés a ANABAM.

· Proxecto fototrampeo.

· Fauna rescatada.

· Nomes populares de Motacilla alba.

· Emilio Rolán Mosquera.

 "Carrizal", tamén informa que as persoas interesadas en publicar artigos nesa revista poden dirixirse a ANABAM por correo electrónico ou por mensaxe de Whatsapp, e que as normas para a publicación aparecen na páxina web da entidade medioambientalista, no apartado "divulgación publicacións".

 Asemade tamén figuran as actividades previstas nos meses de xaneiro e febreiro.

 Dese xeito, a revista "Carrizal", que edita ANABAM, continúa sendo unha publicación de referencia, no que respecta a observación, defensa, protección, estudo e divulgación do patrimonio natural, etnográfico e cultural do Baixo Miño galaico-portugués. Un labor tan amplo, heteroxéneo e apaixoante, no que todos os brazos son benvidos e onde o esforzo de cada persoa, sumado a sinerxía do colectivo, ten súa recompensa directa no propio medio ambiente natural, na socialización e mesmo na cultura.

 Longa vida aos activos membros de ANABAM e bo vento en todas súas iniciativas.