A GUARDA

A unidade móbil de doazóns de sangue visitará novamente a vila guardesa

O venres día 23 e o sábado día 24 de outubro

 

 

Infogauda / A Guarda 

 A unidade móbil do Centro de Transfusión de Galicia visitará a vila de A Guarda o venres día 23 e o sábado día 24 de outubro. Estará emprazada na Rúa Rosalía de Castro (diante do Centro Cultural) o venres 23 de 10:00 ás 14:00 e de 16:30 ás 21:00 horas e o sábado 24 de 10:00h ás 15:00h. 

 Grazas ao emprego destas unidades móbiles o Centro de Transfusión de Galicia, intenta facilitar a todos os cidadás o solidario xesto de doar sangue. Sen a implicación de todos é imposible acadar as 500 doazóns de sangue que se precisan cada día nos hospitais galegos. 

 Todas as persoas que desexan doar sangue deberán chamar ao teléfono gratuíto 900 100 828. O sistema de cita previa reforza os protocolos de seguridade nas unidades móbiles e locais de doazón e tentar garantir unha afluencia axeitada e ordenada para cubrir as necesidades de sangue dos hospitais galegos.