A GUARDA

Debido a pandemia do COVID-19

ESTE ANO NON SE REALIZARÁN AS TRADICIONAIS ALFOMBRAS FLORAIS NA FESTIVIDADE DO CORPUS

Informa: Asociación Cultural Alfombras da Guarda 

 A Asociación de Alfombras da Guarda quere a dar a coñecer que este ano, ante a situación na que nos atopamos, non se realizarán as alfombras florais que se confeccionan na festividade de Corpus. 

 Con motivo da pandemia mundial que estamos a sufrir tamén foron cancelados os talleres de  alfombrismo que a asociación tiña organizados nos diferentes centros educativos da localidade. O motivo destes talleres era a posta en valor do alfombrismo, así como a súa promoción para asegurar a súa continuidade no futuro. 

 Con este mesmo obxectivo, a Asociación Alfombras da Guarda, tentará realizar outras actividades ao longo do ano, sempre que se dean as condicións necesarias para iso.