O ROSAL

O Concello organiza un curso de cociña de pratos de culler con produtos de tempada    

Será os luns 2, 9, 16, 23 e 30 de marzo de 09:30 a 12:00 h   

Infogauda / O Rosal

 O Concello do Rosal organiza para o vindeiro mes de marzo un curso de cociña no que se aprenderá a facer pratos de culler aproveitando os recursos da zona e produtos propios da tempada de inverno. O curso celebrarase todos os luns do próximo mes (2, 9, 16, 23 e 30 de marzo) en horario de mañá, de 09:30 a 12:00 horas, na cociña municipal situada fronte ao pavillón municipal. 

 O curso, dirixido a todos os públicos e con 12,5 horas totais de duración, terá un custo de 35 euros por persoa. O prazo de inscrición xa está aberto. Prazas limitadas. 

 Todas as persoas interesadas en participar nesta iniciativa poden pedir máis información no teléfono 986 625 000.