O ROSAL

O Rosal amplía o horario de atención  do Punto Limpo  

Abrirá martes, xoves e sábado de 10:00 a 13:00 h e mércores de 15:00 a 18:00 h 

  

 

Infogauda / O Rosal

 O Rosal ampliará a partir do mes de marzo o horario de atención ao público do Punto Limpo municipal, un cambio nos días e nas horas de apertura e peche que busca “mellorar o servizo adaptando o horario ás necesidades da veciñanza, facilitando que poidan depositar os residuos domésticos que non teñen cabida nos colectores habilitados nas rúas”, como salienta a concelleira de Medio Ambiente, Sara Vicente. O servizo é totalmente gratuíto. 

 O novo horario de atención ao público será: 

-    Martes, xoves e sábado de 10:00 a 13:00 horas. 

-    Mércores de 15:00 a 18:00 horas. 

 Con esta ampliación de horarios o Concello quere tamén fomentar a concienciación e responsabilidade ambiental dos rosaleiros e rosaleiras, que poden depositar no punto limpo do Camiño das Aceñas voluminosos, electrodomésticos, roupa ou calzado usado, aceite vexetal, tubos fluorescentes ou lámpadas especiais, pilas, mobiliario,..., e calquera outro residuo que non teña cabida nos contedores habituais.  

 O Concello agradece a colaboración da veciñanza no emprego deste punto limpo para evitar así o abandono ou as verteduras incontroladas de calquera tipo de residuo.