MADRID

PREVISIÓN DE ACTOS NA DELEGACIÓN DA XUNTA EN MADRID/CASA DE GALICIA 

PARA A SEMANA DO LUNS 3 AO VENRES 7 DE FEBREIRO DE 2020 

Martes, 4 

19:30 horas 

 A Delegación da Xunta en Madrid/Casa de Galicia acollerá a inauguración da exposición de esculturas "AS MIÑAS RAÍCES", de Xosé Manuel Rodríguez (MOXOM), realizadas con troncos de madeira de procedencia diversa que grazas ao artista ourensán cobran vida e convértense en figuras cheas de encanto e personalidade propia e irrepetible.   Moxom (que elexiu un nome palíndromo), observa atentamente cada anaco de madeira e descobre o personaxe que oculta e que el  despois materializa e humaniza tamén cos seus pinceis.  

 A mostra "AS MIÑAS RAÍCES” poderá visitarse na Casa de Galicia  ata o 28 de febreiro de 2020; en horario, de 10 a 14 e de 16 a 20 horas. Domingos e festivos: de 10 a 14 horas.  

Mércores, 5 

19:30 horas 

 Inauguración da exposición de pintura "PAISAXES DO CAMIÑO", de Mª José Rodríguez, quen volve a Madrid con obras cargadas de sensibilidade a flor de pel e miradas positivas e vitalistas. Nesta mostra a artista coruñesa deixa atrás o eclecticismo habitual e penétrase nun discurso reflexivo, nun relato de experiencias onde a pluralidade de culturas é unha constante. M.ª José Rodríguez é licenciada en Pedagoxía pero a súa paixón pola arte levárona a estudar e formarse en diferentes disciplinas e con diversos autores para dar renda solta á súa creatividade coñecendo as técnicas.  

 A mostra "PAISAXES DO CAMIÑO" poderá visitarse na Casa de Galicia  ata  o 28 de febreiro de 2020; en horario, de 10 a 14 e de 16 a 20 horas. Domingos e festivos: de 10 a 14 horas.  

Xoves, 6 

19.30 horas 

 Presentación da “LII  FEIRA  DO COCIDO DE LALÍN”, declarada recentemente (en Fitur 2020) “Fiesta de Interés Turístico Internacional”, primeira e ata o de agora única que conta en España con esta distinción e que celebrará na localidade pontevedresa o seu día grande o 16 de febreiro aínda que as actividades abarcan máis de medio ano (de novembro a abril). Entre as novidades desta 52 edición está a concentración moteira, “Motococido” os días 6, 7 e 8 de marzo. Na presentación darase a coñecer o amplo programa deste ano.  

 No acto intervirán a concelleira de Turismo do Concello de Lalín, Begoña Blanco  así como o alcalde da vila, José Crespo.   

 Para acudir solicitan confirmar asistencia no correo prensa@lalin.gal