A GUARDA

Programación polo Día da Biblioteca

 Infogauda / A Guarda

 A Biblioteca Pública Municipal de A Guarda remata esta semana as actividades conmemorativas do Día da Biblioteca 2019, que se celebra cada ano o 24 de outubro. O obxectivo destas actividades desenvolvidas durante o mes de outubro, é a animación á lectura

 As actividades continúan este xoves día 24 con «Efervesciencia. Bibliotecas para mudar o cambio climático» a cargo de Manuel Vicente García.

 Imaxina que es un negociador da UE nun cumio mundial e tes que tratar cun negacionista do cambio climático. O noso adestramento expreso divertido e soprendente darache as claves para superar este reto. Realizaremos experimentos con xeo seco, ensinarémosche o efecto invernadoiro cunha cámara de infravermellos e melloraremos as túas capacidades de negociación. 

 

 Público recomendado: Nenas e nenos entre 7 a 12 anos. 

 Xa para rematar o vindeiro sábado día 26 de outubro ás 11:30h terá lugar a derradeira actividade co obradoiro de creación de teatros de papel. O obxectivo do obradoiro é fomentar a lectura como vehículo para xerar historias e potenciar a creatividade. Ensinamos a construír a maqueta dun teatro clásico e a crear escenarios e personaxes a partir de lecturas existentes ou inventando narrativas novas. O obradoiro promove destrezas motrices, o contacto coas artes plásticas, a convivencia e a colaboración entre os participantes. 

 Público recomendado: Nenas e nenos entre 6 e 12 anos. 

Programación

Xoves 24

Ás 18:00 h.

“Bibliotecas para mudar o cambio climático”. Efervesciencia.

Sábado 26 

Ás 11:30 h.

“Obradoiro de creación de teatros de papel”. Juste Kamishibai, Papel e Teatro.