TOMIÑO / VILA NOVA DE CERVEIRA

A Comandancia Naval do Miño e a Capitanía de Porto de Caminha continúan buscando ao rapaz desaparecido no río Miño 

Axustouse o número de medios participantes para prolongar no tempo as tarefas 

A Armada Española, a través da Comandancia Naval do Miño e a Marinha Portuguesa a través da Capitanía de Porto de Caminha, lideran o dispositivo de procura e están a coordinar os medios na zona

Foto: C.T.

Infogauda / Tomiño / Vila Nova de Cerveira

 A Comandancia Naval do Miño ven de informar que "continúan os labores de procura do novo portugués de 23 anos, que desapareceu a tarde do domingo pasado durante a proba de natación do Tríatlon dá Amizade, que se desenvolvía entre a Parroquia de Goián (Municipio de Tomiño) e Vilanova de Cerveira, na marxe portuguesa do Río Miño.  

 

 A Armada Española, a través da Comandancia Naval do Miño e a Marinha Portuguesa a través da Capitanía de Porto de Caminha, lideran o dispositivo de procura e están a coordinar os medios na zona.  

 

 No día de onte, empregáronse nunha ampla zona os equipos de detección subacuática e realizáronse inmersións nun período de 4 horas, mentres a corrente permitíao. Investigáronse visualmente até 15 obxectos mergullados descartándose todos eles.  

 

 Até o momento a procura foi infrutuosa. 

 

 Ao obxecto de prolongar no tempo as tarefas e ampliar a zona de procura, axustouse a diversidade de medios dispoñibles".