O BAIXO MIÑO

15k do Atlántico 2019 

Nesta edición haberá actividades complementarias como unha ruta ecuestre e teatro, entre outras

Infogauda / O Baixo Miño

 O vindeiro 29 de setembro regresa unha das probas deportivas con maior número de participantes na Comarca do Baixo Miño, a 15k do Atlántico, que este ano trae moitas novidades coma unha ruta en patíns, charlas, ruta en cabalo, unha obra de teatro, a tradicional andaina e, como non podería ser doutra forma, a carreira.  

 As inscricións para participar na 15k do Atlántico seguen abertas na web  www.bancomediolanum15kseries.com contando xa con máis de 200 inscritos na modalidade de carreira. As inscricións pechan o 25 de setembro.  

 A carreira partirá como cada ano dende o Campo de Fútbol de Oia, percorrendo parte do trazado do Camiño Portugués da Costa pasando polo Rosal ata chegar ao porto de A Guarda, onde estará a liña de meta.  

 Este ano contarase con actividades complementarias como una ruta ecuestre que terá lugar o sábado 28 de setembro ás 17:00h e que percorrerá os municipios da Guarda, O Rosal e Oia, con chourizada para os participantes ao remate. 

 As inscricións para a Ruta Cabalar están abertas a un prezo simbólico de 5€ en www.multisportdacosta.com ou no teléfono 627 419 528. 

 Tamén contarase este ano cunha representación teatral da obra “O veleno, só ou con leite?” a cargo do grupo oiense “Os Melhores do Ghrupo”, que terá lugar o domingo 29 de setembro ás 19:00h na esplanada do Mosteiro de Oia.