A GUARDA

EDUCACIÓN

O Concello realizou diversas obras mantemento nos centros de ensino do municipio  

Miguel Ángel Español Otero, concelleiro de Servizos á Cidadanía e Infraestructuras no Medio Rural visitando un dos centros educativos da localidade
Foto: C.A.G.

 Infogauda / A Guarda

 O executivo municipal do Concello de A Guarda que preside o alcalde Antonio Baz Lomba, ven de facer público que foron acometidas diversas obras de mantemento nos centros de ensino da localidade de cara ao inminente comezo do novo curso lectivo.  

 "Deste xeito traballouse ao longo do verán no Colexio Manuel Rodríguez Sinde, no CEIP A Sangriña, no CEIP Nicolás Gutiérrez Campo «Solanas» e na Escola Infantil da Gándara, realizando tarefas nas que se incluíron a revisión eléctrica xeral, cambio de enchufes e interruptores, substitución de luminarias defectuosas, pintado de aulas, reparación de persianas, traballos de xardinería, reposición de azulexos, cambio de corchos, entre outras", indican desde á Concellería de Educación do Concello de A Guarda.  

 Destacan tamén "a reparación dos canalons exteriores do CEIP Nicolás Gutiérrez Campo «Solanas» cun importe superior aos 1.500€ ou a reparación integral da rampa de madeira de acceso ao Colexio Manuel Rodríguez Sinde, que se atopa nestes intres en fase de obra, cun investimento superior aos 5.000€.  

 Dende a Concellería de Educación  traballouse de acordo as solicitudes feitas polos diferentes centros de ensino, de cara a acometer aquelas obras de mantemento precisas para o correcto funcionamento destes espazos".