A GUARDA

Festas do Monte Santa Trega, 2019 

A Guarda prepárase para celebrar súa semana grande de festexos

 

 Infogauda / A Guarda

 Do 5 ao 12 de agosto A Guarda acollerá as Festas do Monte Santa Trega 2019 - declaradas de Interese Turístico de Galicia - unha semana chea de actividades culturais, deportivas, de lecer e por suposto, de verbenas. 

 A programación de actividades arranca na xornada do sábado 3 de agosto, ás 18:00 horas, co torneo de hockey, no pavillón de Solanas, e as carreiras pedestres populares, que terán a saída na Alameda.  

 O luns día 5 de agosto, ás 20:00h na Praza do Reló, celébrase o pregón, que será pronunciado por María Nava Castro, Directora Xeral de Turismo da Xunta de Galicia. 

 Pola noite, na Alameda da vila, verbena coas orquestras América SL e Xacobeo.  

 Na xornada do martes día 6 de agosto, ás 16:00 h., celebrarase o Torneo de Fútbol Base do Sporting Guardés; e ás 20:00 h., no Auditorio - a ceu aberto - de San Bieito, un festival folclórico,  e pola noite verbena coas orquestras Israel e D´Moda.  

 O mércores día 7 de agosto, ás 17:00 h., desde á Alameda, terá lugar a Marcha Cicloturista Popular; ás 18:30 h., no estadio Municipal A Sangriña, disputarase o Torneo de Fútbol Sénior; ás 21:30 h., na igrexa parroquial, Festival de Acordeons; e ás 23:00 h., nun lugar que oportunamente daráse a coñecer, o XIV Rock in Fervenza. Pola noite verbenas coas orquestras Passarela e Limón.  

 Na xornada do xoves día 8 de agosto, ás 18:00 h., na Alameda, terá lugar o XIX Campionato Exhibición de Xadrez ao aire libre e pola noite verbena coas orquestras Claxxon e Ibiza.  

 O venres día 9 de agosto, ás 17:00 h., nas pistas deportivas do Caldeiro - Codesal (Camposancos) disputarase o I Torneo de Petanca e pola noite verbena coas orquestras Galilea e Nazaret.  

 

 Como ven sendo habitual, na mañá do sábado, arredor das 12:00 h., desde á Alameda, terá lugar o Desfile Folclórico Tradicional e de Bandas Mariñeiras, un evento que congrega a milleiros de persoas. 

 Pola noite, na Alameda verbena coas orquestras La Oca Bang e Noche de Estrellas.  

 O domingo - o Domingo do Monte, como decimos os veciños de A Guara - é a subida ao Monte, na cal ademáis do xantar enxebre, as bandas mariñeiras amenizan "A Troulada", realizan os seus respectivos xuramentos e a tardiña, comeza "A Baixada", e a posterior "Desfeita". 

 Á noite verbena coas orquestras Ámbar e Azúcar.  

 O luns 12 de agosto ás 24:00h, no porto da Guarda terá lugar a gran tirada de fogos de lucería, coa que se pon o broche de ouro a toda unha semana de festexos.  

 Dende o Concello da Guarda pregan a colaboración cidadá para que se respecten as sinalizacións que delimitan os espazos protexidos dun elemento patrimonial tan importante para a nosa vila como o é o Monte Santa Trega, evitando o uso da zona arqueolóxica para o xantar, de xeito que non se produzan agresións que provoquen danos nas estruturas.

PROGRAMA COMPLETO DAS FESTAS DO MONTE SANTA TREGA, 2019