ARDÁN REALIZARÁ UN ESTUDO ESPECÍFICO DO SECTOR AGRARIO DO BAIXO MIÑO
AS ALCALDESAS DE TOMIÑO E O ROSAL, E O ALCALDE DA GUARDA, ESTUDAN CON REGADES A MELLOR VÍA PARA FORTALECER ESTA ACTIVIDADE ECONÓMICA
Foto: ZFV
Infogauda / O Baixo Miño
Nunha reunión mantida recentemente coas alcaldesas do Rosal e de Tomiño e o alcalde da Guarda, co delegado de Zona Franca de Vigo, David Regades Fernández comprometeuse a colaborar co sector agrícola do Baixo Miño xa que, segundo afirmou “temos que considerar a este sector primario como un sector empresarial de gran importancia para Galicia pola súa gran capacidade de xerar negocio e, o que é máis importante, pola súa capacidade de fixar poboación e coidar do territorio”
Os responsables dos tres concellos expuxeron as fortalezas dun sector que no Baixo Miño estase especializado en catro produtos: planta ornamental, flor, froita e viño. Como expuxo durante a sesión de traballo a alcaldesa Sandra González Álvarez, a planta ornamental ten no concello de Tomiño 120 hectáreas de produción nas que se emprega a 300 persoas cunha forte presenza de man de obra de mulleres alcanzando os 20 millóns de euros anuais de facturación. O Viño é outro importante recurso económico que manexa unhas 600 hectárea nas que traballan 250 persoas alcanzando unha facturación anual de 26 millóns de euros.
Noutras magnitudes manéxanse a Flor e a Froita con explotacións que non están moi capitalizadas e que necesitan tecnoloxía que lles permita incrementar a súa competitividade. Ao cultivo de Flor destínanse 25 hectárea que facturan 2 millóns de euros e empregan a 25 persoas. Pola súa banda, a Froita, ten 350 hectáreas de superficie dedicada a estes produtos pero a súa facturación apenas alcanza os 5 millóns anuais e a súa xeración de emprego é de 50 persoas.
Para o fortalecemento do sector Regades propuxo aos máximos responsables dos tres concellos a elaboración dun estudo económico por parte do servizo ARDÁN en base ao que se poidan detectar fortalezas e debilidades para establecer políticas adecuadas para aumentar a rendibilidade económica e competitividade dun sector estratéxico para a comarca. María del Carmen Alonso Alonso, alcaldesa do Rosal, agradeceu esta implicación de Zona Franca xa que “o sector agro do Baixo Miño conta cunha gran capacidade de desenvolvemento dado o benigno do seu clima e a fertilidade da súa terra”
Antonio Lomba Baz, alcalde da Guarda, precisou que este estudo pode achegar un coñecemento máis científico dun sector da actividade económica deste concello, o máis meridional da provincia de Pontevedra, que combina a explotación da terra, coa pesca e o turismo e que debe por tanto coñecer en profundidade as potencialidades de cada un destes vectores económicos.
Os responsables dos tres concellos expuxeron as fortalezas dun sector que no Baixo Miño estase especializado en catro produtos: planta ornamental, flor, froita e viño. Como expuxo durante a sesión de traballo a alcaldesa Sandra González Álvarez, a planta ornamental ten no concello de Tomiño 120 hectáreas de produción nas que se emprega a 300 persoas cunha forte presenza de man de obra de mulleres alcanzando os 20 millóns de euros anuais de facturación. O Viño é outro importante recurso económico que manexa unhas 600 hectárea nas que traballan 250 persoas alcanzando unha facturación anual de 26 millóns de euros.
Noutras magnitudes manéxanse a Flor e a Froita con explotacións que non están moi capitalizadas e que necesitan tecnoloxía que lles permita incrementar a súa competitividade. Ao cultivo de Flor destínanse 25 hectárea que facturan 2 millóns de euros e empregan a 25 persoas. Pola súa banda, a Froita, ten 350 hectáreas de superficie dedicada a estes produtos pero a súa facturación apenas alcanza os 5 millóns anuais e a súa xeración de emprego é de 50 persoas.
Para o fortalecemento do sector Regades propuxo aos máximos responsables dos tres concellos a elaboración dun estudo económico por parte do servizo ARDÁN en base ao que se poidan detectar fortalezas e debilidades para establecer políticas adecuadas para aumentar a rendibilidade económica e competitividade dun sector estratéxico para a comarca. María del Carmen Alonso Alonso, alcaldesa do Rosal, agradeceu esta implicación de Zona Franca xa que “o sector agro do Baixo Miño conta cunha gran capacidade de desenvolvemento dado o benigno do seu clima e a fertilidade da súa terra”
Antonio Lomba Baz, alcalde da Guarda, precisou que este estudo pode achegar un coñecemento máis científico dun sector da actividade económica deste concello, o máis meridional da provincia de Pontevedra, que combina a explotación da terra, coa pesca e o turismo e que debe por tanto coñecer en profundidade as potencialidades de cada un destes vectores económicos.
Ningún comentario:
Publicar un comentario