DEPORTES

JUDO

BOS RESULTADOS PARA O CLUBE DE JUDO BAIXO MIÑO 

· Na Copa de España de Judo Infantil

Equipo infantil do Clube de Judo Baixo Miño que participou a pasada fin de semana na Copa de España
Fotos: C.J.B.M.

Mónica Pacheco Lomba / A Guarda 

 O sábado celebrouse unha das Copas de España de Judo infantil, puntuables para o ránking nacional. Nela participaron seis novos judokas do Clube de Judo Baixo Miño: Zaira López, Ismael  Adrover, Álvaro Rodríguez, Samuel  Adrover,  Noé Fernández  e  Saray Vicente. 

 Os nosos mozos judokas aínda teñen pouca experiencia nestes campionatos de gran nivel pero aos poucos van demostrando a súa melloría. 

 Saray Vicente Paz

 Destaco a actuación de Saray Vicente Paz na categoría de -40 kg que gaña tres combates e en cuartos de final á segunda do ránking nacional, caendo en semifinais produto de nervios e falta de experiencia pero consegue un fantástico 5º posto.

Equipo junior do Club de Judo Baixo Miño, de A Guarda

  Agora Saray viaxará cun grupo de judokas galegos para disputar o próximo 23 de febreiro, en Cáceres, outra Copa de España.

Podiums dos judokas junior

 Doutra banda o domingo celebrouse o Campionato Galego  junior onde os nosos  judokas conseguiron magníficos resultados: 

 Ouro para Verónica Pérez Pacheco (aínda cadete) que a cada paso da tempada vaise notando a súa melloría e dá bos prognósticos para próximos compromisos. 

 Prata para Carlos Reboredo Diego que leva anos sen baixarse do  podium. 

 Bronce para Alba González  Machado (aínda cadete) que realiza un bo campionato a pesar de sufrir unha pequena lesión. 

 Yohanna Da Cuña González igual que o seu compañeiro Carlos, leva anos sen baixarse do podium galego.  

 Adrián Romero González que realiza un campionato de moi bo nivel xa que compite nun peso complicadísimo caendo só ante o que sería o campión. 

 José Manuel Rodríguez González consegue subirse ao podium tras ser a súa primeira competición na nova categoría de peso  

 Quinto posto: 

 Noa González Da Costa (aínda cadete) que cae ante  judokas de moito nivel pero demostra que vai dar sorpresas nos próximos anos  

 Iago  Alvarez (aínda cadete) o nivel que está a demostrar este judoka é moi prometedor. Verémolo en próximos campionatos. 

 Sétimo posto: 

 Nerea Romero González (aínda cadete), a xuízo da súa adestradora unha das mellores. 

 Jordi Alonso que non puido pasar de primeira rolda por unha lesión.  

 Desde a dirección do club queremos agradecer o traballo dos adestradores Tecla, Jessy, Saúl, Elena e Alejandro así como a todos o que estiveron animando desde a bancada. 

 Esta fin de semana viaxarán Jessy Vicente, Verónica Pérez, Alba González, Adrián Romero, Carlos Reboredo e José Manuel  Rodríguez ao sector oeste clasificatorio para o Campionato de España onde saen os tres mellores de cada categoría das comunidades de Galicia, Asturias, Castela León e Cantabria.