DEPORTES

JUDO

CINCO JUDOKAS DO CLUBE DE JUDO BAIXO MIÑO CLASIFICADOS PARA O CAMPIONATO DE ESPAÑA JUNIOR  

 

Equipo de judokas do C. D. Baixo Miño, clasificados para á final do Campionato de España de Judo junior que se celebrará en Madrid o próximo 2 de Marzo

Foto: CDBM

  

Mónica Pacheco Lomba / A Guarda

 A pasada fin de semana celebrouse en Valladolid a Fase do sector oeste nacional  junior (Galicia, Asturias, Cantabria e Castela León) de onde os tres mellores de cada categoría pasan á final do Campionato de España de Judo junior que celebrarase en Madrid o próximo 2 de Marzo. 

 Do noso club conseguiron clasificarse: 

· Jessy Vicente Paz, na categoría de -44kg que se clasificou en terceiro lugar.

 

· Verónica Pérez Pacheco, na categoría de -52 kg que conseguía a medalla de prata. Moi bo resultado xa que esta  judoka aínda pertence á categoría cadete. 

· Elena Cañibano de Celis, na categoría de -57 kg, clasificada directamente por ser a numéro dúas do ránking nacional  

· Carlos Reboredo Diego, na categoría de -100 kg que conseguía a medalla de prata 

· José Manuel Rodríguez González, na categoría de -100 kg, que se clasificou en terceiro lugar tras perder en semifinais co seu compañeiro de club. 

 Así mesmo esta fin de semana viaxan a Málaga tres judokas do club para participar na primeira copa de Europa cadete da tempada: Verónica Pérez, na categoría de -52 kg; Noa González, na categoría de -63 kg; e Iago Álvarez, na categoría de -73 kg.