A GUARDA

XII Gala do Deporte

O Concello recoñece os méritos dos seus deportistas

 

 Foto de familia dos deportistas galardoados e autoridades

Fotos: C.A.G.

Infogauda / A Guarda

 Na tardiña de onte, venres día 15 de febreiro o Centro Cultural de A Guarda foi o escenario da celebración da gran festa do deporte guardés coa XII edición da Gala do Deporte, evento que estivo presentado polo xornalista Terio Carrera. 

Vistas parciais das autoridades e público asistente, na platea do salón de actos do Centro Cultural

 

 Neste evento recoñecéronse os diferentes logros e méritos deportivos acadados durante o pasado ano polos deportistas, os clubs e as entidades deportivas de A Guarda, poñendo así en valor o traballo, esforzo e compromiso das numerosas persoas que forman parte do ámbito deportivo local. 

Tecla Cadilla Acevedo e Terio Carrera, no decurso do evento

 A gala contou coa judoca do Clube Deportivo Baixo Miño, Tecla Cadilla Acevedo, quen foi a madriña deste evento deportivo, ao que asistiron as asociacións, clubs e deportistas individuais de A Guarda.  

 Nesta XII edición destacouse á Peña O Inferno da Sangriña, recoñecemento coma mellor afición polo seu apoio ao Club de Balonmán Atlético Guardés.   

 Ao remeiro Damián Alonso Alonso, quen acadou o pasado ano dous ouros e un bronce no Campionato do mundo de remo ergómetro.  

 En hockey liña, recoñecéronse os méritos deportivos a Claudia Rial Alonso e Ana González Martínez, campioas galegas co equipo CHL Meigas de Lugo (cedidas polo clube A Guarda Hockey Liña), así coma a Miguel Fernández Lomba como parte do corpo técnico da Selección Galega no Campionato de España de Seleccións Autonómicas.  

 Para os deportistas do Club Polideportivo San Xerome, premiouse a María Fernanda García Orduña e Jaime Álvarez Pereira polos seus ouros no Campionato Galego e Campionato de España de Remo Ergómetro; e tamén ao equipo formado por Borja Cadilla Lomba, Luis Antonio Sández García e Javier Portela Vieira, polo seu bronce no Campionato de España de Campo a través. Mención especial para Luis Antonio Sández polo ouro conseguido en Burgos en 800 ml no Campionato de España.   

 Para o Clube de Remo Robaleira premio a Iago Martínez González, ouro no Campionato Galego de banco móbil e prata no Campionato de España de Remoergómetro.  

 Para o Clube de Judo Baixo Miño, dentro do Campionato galego de diversas categorías, en féminas a Jessy Vicente Paz, en Junior; a Noa González Da Costa Evangelista en Infantil; e a Verónica Pérez Pacheco e Alba González Machado en Cadete. En masculino a Brais Pereira Amorín e Carlos Reboredo Diego, en Junior; e na Categoría Absoluta Feminina, a Tecla Cadilla Acevedo.  

 O Premio a dedicación ao deporte, a súa aportación ao judo e promoción do deporte base foi para Mónica Pacheco Lomba.   

 No clube Sociedade Atlética do Trega foron premiados Álex Sierpes Pereira, polo seu Campionato Galego de Campo a través, 2000 ml Campionato galego ao aire libre, 1000 ml Campionato galego pista cuberta, Mellor marca galega alevín sub 12 (1000 pista cuberta e 2000 aire libre); e tamén o seu irmán Christian Sierpes Pereira, Campionato galego de marcha de inverno 2000 m, 2000 m marcha Campionato galego ao aire libre; e a Milu Rodríguez Baz, campioa galega W40 nos 5000 ml e Campionato galego de marcha de inverno; e a Ariana González Verde, campioa galega 10000 ml pista ao aire libre e campioa galega de Trail en categoría absoluta. 

 Para os deportistas do Club de tenis Codesal, premiouse aos irmáns nadadores, Rosalía Soler Lomba, mellor marca galega 50m mariposa, Campionato galego de inverno absoluto e 1ª en 50 e 100 m espalda; e Iago Soler Lomba, campión galego alevín de verán en 100m espalda e mariposa.  

 Mención á Unión Guardesa por acadar o Campionato de Liga de fútbol 7 feminino.  

 A Itahisa Trigo Lomba, subcampioa cadete feminino coa Selección Galega de balonmán; a José Carlos Ferreira González polo Campionato galego master 1500m; a Damián Martínez Baz, que rematou seu primeiro IRONMAN – Lanzarote 2018; a Elsa Pena Vicente, campioa de España de triatlón e acuatlón individual, e catro ouros por equipos; ao ciclista Aser Estévez Cividanes, Campionato galego de contrarreloj; e a Sergio Rodríguez Teixeira, campión galego absoluto en 200 m pista cuberta.  

O Antonio Lomba Baz, alcalde de A Guarda, na súa intervención

 Para Antonio Lomba Baz, alcalde de A Guarda, “investir no deporte é investir no futuro”, e engadiu ademais que “somos afortunados de contar con tantas persoas que co seu bo facer e co seu esforzo son capaces de conseguir que traballando para o deporte base, os nosos nenos e nenas descubran as súas calidades e atopen o ambiente e os medios adecuados para o seu desenvolvemento como persoas e como deportistas”.  

 Antonio Lomba fixo especial fincapé en que no ano pasado realizouse un esforzo municipal moi importante no eido deportivo, cun investimento total que superou os 400.000 euros, destacando as partidas de 87.400 euros en axudas directas a clubs, asociacións e deportistas, o novo céspede do campo da Sangriña cun custo de 150.000 euros ou a pista de skate cun custo de 63.000 euros.