DEPORTES

FÚTBOL

PRIMEIRA AUTONÓMICA - GRUPO 5º

O SPORTING GUARDÉS RECIBE O C. D. A GUÍA

O domingo día 13 de xaneiro, ás 4 da tarde no Estadio Municipal A Sangriña

Ricardo Rodríguez Vicente / A Guarda

 Este domingo día 13 de xaneiro, ás 4 da tarde, no Estadio Municipal A Sangriña, o Sporting Guardés enfrontarase o C. D. A Guía.

 O encontro, que corresponde á 17ª xornada da Liga de Primeira Autonómica - Grupo 5º, preséntase a priori moi igualado, xa que o equipo locatario, con 27 puntos - igoal que o Gran Peña, situado no 7º posto -, atópase no 6º posto da táboa clasificatoria, e o conxunto visitante, con 25 puntos, no posto 10º. Os dous conxuntos gañaron 7 encontros, si ben o Sporting Guardés empatou 6 e perdeu 3 e o C. D. A Guía, empatou 4 e perdeu 5. 

 Dese xeito todo indica que o Sporting Guardés non vai confiarse porque o C. D. A Guía virá ata "a neveira" da Sangriña para procurar levarse algo positivo a fin de tentar remontar na táboa. E o Sporting Guardés debe procurar que os puntos non se esfumen, por dous motivos. Primeiro para correxir o rumbo co que rematou o 2018 e comezou o 2019, e sobor de todo, para manterse nos postos tranquilos da táboa. 

 En definitiva, será un encontro deportivamente falando, moi atractivo para os siareiros dos dous equipos.