SALCIDOS (A GUARDA)

ÚLTIMOS DÍAS PARA VISITAR A EXPOSICIÓN SALCIDOS EN BLANCO Y NEGRO

· Na mostra poden verse 600 fotografías en gran formato cun especial sobre as Telleiras de Salcidos, contando con imaxes e ferramentas dos telleiros

Antonio Fontela Martínez / Salcidos

 En soamente tres días de apertura a exposición supera os 250 visitantes e agárdase superar os 600 nos próximos días. Na mostra poden verse 600 fotografías en gran formato cun especial sobre as Telleiras de Salcidos, contando con imaxes e ferramentas dos telleiros.

 Este fin de semana é a derradeira oportunidade de visitar a V Exposición Salcidos en Blanco y Negro, no Salón parroquial de Salcidos. A impresión os primeiros días foi moi boa, cun importante número e visitas e sobre todo coa satisfacción de todas elas, onde fotos, recordos e anécdotas intercambiábanse entre os diferentes asistentes. Incluso viñeron de diferentes partes de Galicia (Vigo, Santiago, etc.) buscando indicacións sobre posibles familiares e esperando encontrar algunha foto dos mesmos, cousa que nalgún caso conseguiron.

 Os horarios para esta fin de semana son o sábado de 11:00 a 13:00 horas e de 19:00 a 21:30 horas, e o domingo, día da festa da parroquia de 11:00 a 13:00 horas e, a pesar de que non estaba previsto abrir de tarde, co fin de facilitar que aqueles que desfruten da sobremesa de San Roque podan logo achegarse a recordar e desfrutar coa exposición, abriremos tamén de 18:00 a 21:30 horas. Esperamos así poder adaptarnos as necesidades de todos aqueles que queiran desfrutar do pasado de todos os salcidenses.