A GUARDA

A Guarda ofrece unha intensa programación de actividades

Deportes, exhibicions de baile, exposicions, gastronomía, actuacións musicais,...

Marcos Pereiro, popular actor e humorista, será o pregoeiro da XV Festa do Peixe Espada

Infogauda / A Guarda

 A Guarda despide o mes de xullo cunha variada oferta deportiva, cultural e gastronómica, con varios eventos programados para o venres 27, sábado 28 e domingo 29 de xullo.

  

Programación por días:

Venres 27:

 A Casa dos Alonso acolle dende as 9:00 da mañá as V Xornadas Internacionais de Pesca organizadas por OR.PA.GU., contando coa presencia da conselleira do Mar, Rosa Quintana, o alcalde da Guarda, Antonio Lomba Baz, o Presidente de OR.PA.GU., Joaquín Cadilla Castro, entre outras personalidades e axentes do sector. Unhas xornadas enfocadas aos problemas que máis están a afectar aos armadores deste colectivo na actualidade.

 A Sala de Exposicións da Casa dos Alonso acolle a exposición fotográfica «Así Somos», unha mostra que recolle a través de imaxes o día a día da poboación guardesa.

 Horario de visita:

 De 12:00 a 14:00 horas e de 19:00 a 22:00 horas.

 Dentro da programación da XV Festa do Peixe Espada dende as 19:00 horas, realizaranse actuacións a cargo da Charanga Cantos somos, para as 20:00 h., desfrutar do pregón de Marcos Pereiro, popular actor e humorista. 

 Tralo pregón, procederase á entrega do premio á deseñadora do cartel da festa deste ano, Saray Vicente Paz, e presentarase oficialmente a terceira edición do Campionato Galego Inclusivo de Náutico Adaptado, que desenvolverase ó longo do sábado. 

 A Agrupación Musical de A Guarda ofrecerá a partires das 23:00 horas, no Portiño Novo, o III Concerto de película, amenizando a noite desta primeira xornada coa que se dará por inaugurada a XV Festa do Peixe Espada de A Guarda.

Sábado 28:

A Sala de Exposicións da Casa dos Alonso da Guarda acolle a Exposición fotográfica «Así Somos», que pode visitarse en horario de 12:00 a 14:00 horas e de 19:00 a 22:00 horas.

 Os xardíns do Centro Cultural acollen a sexta edición do Mercado da Música de 11:00 a 23:00 horas, un evento que contará con diferentes postos de venda de artesanía, libros, instrumentos, vinilos,... así coma concertos a cargo dos grupos The Wav, Indomables Covers Band, The LelliKelly´s, Family Folks e La Chata Soul. 

 O evento, organizado pola Asociación Cultural Sopa de Sobre, contará tamén con actividades para os máis cativos da casa. 

 Dentro da programación da XV Festa do Peixe Espada ás 11:00h o Porto da Guarda acollerá o III Terceiro Campionato Galego Inclusivo de Deporte Adaptado e as 12:00 horas visitarán as instalacións da festa os participantes da Concentración Moteira Goián. 

 Ao longo desta segunda xornada realizaranse as actuacións do Mago Zanas, o grupo O Trebón dos Xidos, o grupo de acordeóns Mascarenhas e o grupo Los Gatos & el Sexo.

 O Auditorio de San Bieito será o escenario da celebración da primeira edición de "La Guardia danza", un evento deportivo organizado polo Centro Do-Majó en colaboración co Concello da Guarda, que dará comenzo ás 20:30 horas. Haberá distintas exhibicións de Danza Moderna, Hip-Hop, Salsa, e participarán escolas de Vigo e de A Guarda.

 Durante a xornada deste sábado realizaranse tres visitas guiadas ao Monte Santa Trega. A primeira delas ás 11:30 horas, con saída desde á vivenda reconstruida no Castro; e ás 12:30 horas e 17:00 horas, respectivamente, con saída dende o Museo Arqueolóxico do Monte Santa Trega (MASAT).

Domingo 29:

 A Sala de Exposicións da Casa dos Alonso da Guarda acolle a Exposición fotográfica «Así Somos», que pode visitarse en horario de 12:00 a 14:00 horas.

 Dentro da programación da XV Festa do Peixe Espada ás 12:00 horas realizarase a actuación do Coro Cantábile e ao longo desta terceira xornada de festa actuarán o Mago Zanas, o Coro Fuscalheiro e o grupo Vento Mareiro.

 Durante a xornada do domingo realizaranse 3 visitas guiadas ao Monte Santa Trega. Os horarios e lugares de saída son os seguintes: Ás 11:30 horas, desde o Castro e ás 12:30 horas e ás 17:00 horas, con saída dende o Museo Arqueolóxico do Monte Santa Trega (MASAT).