ATLETISMO
A ATLETA ELSA PENA VICENTE, DE A GUARDA, CAMPIOA DE GALICIA DE CAMPO A TRAVÉS
O Atletismo Tui - Thermalia, equipo ao que pertence a atleta guardesa, acadaría o terceiro posto por clubes
Elsa Pena Vicente - no centro da imaxe - ven de proclamarse campioa de Galicia de Campo a Través, categoría cadete
Alberto Pena / Deportes
O servizo de Deportes da Xunta de Galicia na Coruña organizou o pasado fin de semana o Campionato de Galicia de Campo a Través, no que preto de 350 atletas procedentes de toda a Comunidade tomarían cita.
Elsa Pena Vicente en plena carreira no circuíto da Praia de Cabío
O circuíto da Praia de Cabío pertencente a Pobra do Caramiñal, volvería ser o escenario escollido para a disputa desta final onde se achegaron os mellores especialistas desta modalidade a nivel escolar, clasificados entre os oito primeiros en cada fase provincial, así como os dous primeiros clubs.
O Atletismo Tui - Thermalia, equipo no cal milita Elsa Pena Vicente, acadaría o terceiro posto por clubes
Nesta proba a atleta guardesa Elsa Pena Vicente, do Atletismo Tui - Thermalia, acadaría o campionato galego na categoría de cadetes. Tamen o terceiro posto por clubes.
Ningún comentario:
Publicar un comentario