ATLETISMO
MANUEL FLORES CERQUEIRA, CAMPIÓN GALEGO DE MEDIA MARATÓN
O atleta guardés participou na categoría M-60
Manuel Flores coa medalla de ouro
Infogauda / Redacción
O Concello de Santa Uxía de Riveira e a Federación Galega de Atletismo, organizaron conxuntamente o domingo día 10 de setembro de 2017, o I Medio Maratón Riveira 21 e o XXVII Campionato de Galicia de Media Marathón, nas categorías absoluto, junior, promesa e veteranos.
Saída de Aguiño
A proba disputouse sobre unha distancia homologada de 21.097 qm. cunha participación de preto de catrocentos atletas. O percorrido, con saída ás 10.00 horas desde o Porto de Aguiño, pasando por Castiñeiras, Touro, Riveira, Malecón, Paseo Marítimo de Coroso e Paseo das Carolinas, para completar dúas voltas a un circuíto urbano desde o dique de Riveira ata a zona de Coroso. En todo o percorrido estaba moi animado polo público asistente que non se cansaba de animar aos participantes e creando un bo ambiente.
O alcalde de Riveira, Manuel Ruiz Rivas entrega a medalla de ouro a Manuel Flores Cerqueira
Manuel Flores Cerqueira no podium acompañado por Xoan Ramón Fernández Garrido e Juan Cameán Lampón
O atleta guardés, Manuel Flores Cerqueira, representando á Sociedade Atlética do Trega, cun rexistro de 1.27.38 e cun ritmo de 4:09 qm. obtivo a medalla de ouro, e proclamouse Campión Galego na categoría M-60. O pódium completouse con Xoan Ramón Fernández Garrido, de Atletismo Milladoiro, con un tempo de 1.28.38 (medalla de prata), e Juan Cameán Lampón, de Veteranos Samil, con un crono de 1.34.59 (medalla de bronce).
Un novo éxito para o Atletismo guardés!
Ningún comentario:
Publicar un comentario