19 de ago. de 2017

VILAMOR DO COUREL

CULTURA

"TOCA. EL ORO DE LA GALLAECIA", DA ESCRITORA SONIA MARÍA GARCÍA GARCÍA

Foi presentado en Vilamor do Courel

A escritora Sonia María García García - a esquerda da imaxe, con dúas amigas do Courel, e o fotógrafo guardés Santiago Baz Lomba, na presentación do libro "TOCA. El oro de la Gallaecia"

Infogauda / Vilamor do Courel

 Logo de anos de investigación, de recolleita de datos, de convivencia coas xentes da Serra do Courel,..., a escritora Sonia María García García publicou "O Libro do Courel", na Ed. Belagua (1ª edición, xullo 2016; 2ª edición, novembro, 2016). Un libro que afonda nas raigames da terra para amosar como o medio natural condicionou a súa economía e a súa cultura desde tempos prehistóricos ata os nosos días.

 A inquedanza e o agarimo que Sonia María García sinte polo Courel, motivou que esta autora escrebese un novo libro - "Toca. El oro de la Gallaecia" -, neste caso de ficción histórica, que recrea a vida en O Courel no século I a. de C., onde os castrexos e os romanos son os protagonistas, tendo como pano de fondo as minas auríferas.

 O libro "Toca. El oro de la Gallaecia"(Ed. Belagua), foi presentado o xoves na Cova da Moura, en Vilamor do Courel, acto no que ademáis da autora participaron os veciños da aldea courelá e amigos, entre os cales está o fotógrafo guardés Santiago Baz Lomba, que a xeito de embaixador plenipotenciario de A Guarda, na Serra do Courel, levou ata esa fermosísima terra, ademais da súa inseparable cámara fotográfica e seu entusiasmo, a rosca de xema de A Guarda, a as cores do Clube Balonmán Atlético Guardés.

Ningún comentario:

Publicar un comentario