CAMPAMENTO URBANO 2017, CONCELLO DA GUARDA
Desenvolverase durante o mes de xullo, de luns a venres, de 9:00 a 14:00 horas, e terá un prezo de 60€ por praza.
Infogauda / A Guarda
O Concello da Guarda informa que a apertura do prazo para o campamento urbano de verán será dende o día 1 ata o 21 de xuño. As actividades van dirixidas a nenos e nenas de 3 (ano natural de nacemento 2013) a 12 anos, que prioritariamente, estén empadroados na Guarda ou que o pai/nai traballe no noso municipio.
Os principais obxectivos destas actividades son: ofrecer unha alternativa lúdica e educativa aos rapaces e rapazas no tempo libre do verán e axudar aos pais e nais a conciliar vida familiar e laboral.
O campamento desenvolverase durante o mes de xullo, de luns a venres, de 9:00 a 14:00 horas, e terá un prezo de 60€ por praza.
As solicitudes e as bases de inscrición poderanse obter na OMIX ou na web municipal.
Máis información na Omix, no noso perfil facebook, a través do mail informacion@aguarda.es ou no teléfono 986 614 546
Ningún comentario:
Publicar un comentario