Acto informativo do BNG sobre mobilidade na Guarda
Abordaranse temas como ordenación de tráfico, mobilidade sostíbel, accesibilidade, peonalizacións, aparcamento...
Infogauda / A Guarda
O próximo martes día 25 de outubro, ás 20:30 h na Casa dos Alonso, o BNG realizará un acto informativo baixo o título “Un proxecto de futuro para a Guarda”, no que a formación nacionalista presentará a súa visión da Guarda dentro dun proxecto de mobilidade sustentábel no que teñen prioridade as persoas.
“Dende o BNG queremos un pobo para vivir, para pasear, para facer rúa cun tecido comercial implicado na vila. Falamos dun cambio de rumbo na Guarda, dunha Guarda dinámica que sexa atractiva non só ao turismo se non aos propios veciños e veciñas e ao resto da comarca”, comentou Ángel Baz, portavoz municipal do BNG na Guarda.
No acto intervirán Uxío Benítez Fernández, deputado provincial de Mobilidade e Tenente-Alcalde de Tomiño, e Ángel Luis Baz Vicente, portavoz municipal do BNG na Guarda.
Ningún comentario:
Publicar un comentario