PORTUGAL

PATRIMONIO

Forte da Nª Sra. da Consolaçom, em Atouguia da Baleia

Forte da Nª Sra. da Consolaçom, em Atouguia da Baleia

José Buiza Badás

 Esta obra militar caracterizada pola linearidade e a abstraçom tem categoría de Monumento Nacional, por Decreto de 12 de Setembro de 1978, pertencendo à vasta linha costeira de baterías portuguesas e sendo levantada entre os anos de 1641-45, com o acréscimo de mais umha batería extramuros de 80 metros de comprimento e 12 canhoneiras presentes, virada para o norte. A sua planta estrelada informe do lado do mar, do lado oeste, de aparente simetría axial, revela 2 baluartes bicudos, decrescentes e desiguais a olharem para a terra, 2 redenturas centrais e mais 2 baluartes incompletos do lado costeiro. Ademais, contém um terraço superior de observaçom dado nom ter guaritas. 50 metros separam a ponte dos rochedos; 39 m. entre baluartes frontales de aparato; a distância entre redenturas laterais é de 50 m. e o perímetro total do forte fai 230 metros.  

 Morfologicamente responde ao maneirismo e as  baterías dispostas estratégicamente para o cruzamento de fogos, desta vez com o forte central de Peniche. De feito, a sua disposiçom num esporom rochoso define plenamente a sua orientaçom cardinal de precálculo. Dispunha à partida de 5 plataformas para o fogo no seu lado oeste, ficando afetadas polo seísmo lisboeta de 1755.  No portal de entrada reparamos num arco de volta perfeita de aspecto rusticado, envolvido  por estrutura adintelada e pilastras com basa e bola no alto. Há umha lápide com inscriçom e escudo portugués coroado. Acede-se por umha ponte de 8 metros e 2 arcos que salva o fosso.

 Os aparelhos están cobertos por  um revoco colorido de amarelo, constando-se  alvenarias ordinárias e cantaría regular nas partes nobilitadas. Chama a atençom umha obra geral cuja abstraçom fica  bem patenteada nas linhas, na planta e nas projeçons, contrastadas com um portal de pertença classicista. 

 A pressom turística nom afetou a sua envolvente, sendo salvaguardados os aspetos paisagistas, visto que as praias da Consolaçom e das Pedras tenhem um alto conteúdo iodístico e som palco deencontro e centenas de surfistas.

R.P.Intelectual