PONTEVEDRA

Louzán considera que “non hai partido na provincia presente unha candidatura como o PP” 

• As listas populares presentan un 70% de renovación.  

Alberto Núñez Feijóo presidiu o acto do PP provincial no que foron presentados os 26 integrantes das candidaturas ao Congreso e ao Senado

Infogauda / Pontevedra

 Arroupados polo presidente rexional do partido, Alberto Núñez Feijóo, o PP provincial presentou aos 26 integrantes das candidaturas ao Congreso e ao Senado que esta formación presenta para as eleccións do 20 de decembro e que segundo recalcou o presidente provincial Rafael Louzán, se caracteriza por unha “elevadísima renovación”, superior ao 70% só nos candidatos titulares, e por conformar “unha lista equilibrada, na que están representadas todas as comarcas da provincia”.  

 Neste sentido, Rafael Louzán, indicou que “na conformación das listas populares buscouse darlle un peso específico ás principais cidades da provincia, pero tamén a representación de todas as demais comarcas, como o Deza, Tabeirós-Terra de Montes, Salnés, Condado-Paranta, Morrazo, Caldas e Baixo Miño”. 

 Explicou ademais que non se buscaron cotas senón a mellor representación, e indicou que os integrantes das dúas candidaturas (cámara alta e baixa) son un total de 12 mulleres e 14 homes, cunha media de idade de 45 anos.     

 Louzán asegurou que se tratou ademais de combinar a experiencia nos tres niveis da administración coa renovación e a ilusión de traballar pola súa provincia.   

 “Non hai candidatura na provincia que presente un cartel coma o noso, e menos aínda con unha cabeza de lista coma a nosa, porque incluso me atrevo a dicir que non hai ningúen nesta provincia que fixera tanto por Pontevedra como Ana Pastor”, relembrou Louzán.  

 “Temos, en definitiva, ao mellor equipo e aos máis preparados, porque para recuperar totalmente este país fai falta xente con experiencia, que saiba de que fala, que saiba negociar, xestionar e sobre todo dar solucións”, sinalou o líder provincial.  

 “Non hai tampouco - engadiu Rafael Louzán - ningún partido que poida darnos leccións de nada, e moito menos os alumnos de Zapatero, porque cando tiveron a súa oportunidade non a souberon aproveitar, ao contrario, despreciaron a Galicia e despreciaron a esta provincia”. 

 En alusión directa ás declaracións realizadas pola presidenta da Deputación, e concelleira de Vigo, Carmela Silva, nas que asegurou, na presentación da candidatura do PSOE que todos os proxectos que se executaron nos últimos catro anos na provincia quedaran asinados e acordados polo anterior goberno do PSOE, Louzán recordoulle aos socialistas que “a única herdanza que deixou foi un país ao borde da quebra, con facturas por pagar e todo por facer”. 

 “Como pode ter esta señora o atrevemento de falar do que fixo o deixou o de facer o PP cando o seu xefe-instrutor de Vigo prometeu en 2007 que o AVE chegaría en 2012 a Vigo”, relembrou o presidente provincial.  

 En canto aos resultados, Louzán explicou: “Fixemos unha lista gañadora, pero sabemos que isto non abonda, temos que seguir explicando o noso proxecto de futuro, e concienciar á sociedade do que suporía para este país unha volta ao pasado. Sabemos que os resultados non van ser os mesmos que hai 4 anos, porque nin as circunstancias son as mesmas nin antes sufrimos o desgaste propio de estar gobernando, pero aspiramos a unha maioría absoluta”.

LISTA AO CONGRESO 

ANA PASTOR JULIÁN

IRENE GARRIDO VALENZUELA 

PILAR ROJO NOGUERA 

SILVESTRE JOSÉ BALSEIROS GUINARTE 

TOMÁS FOLE DÍAZ GONZALO 

JORGE ORDÓÑEZ PUIME 

ANA SIMÓNS SÁNCHEZ 

SUPLENTES 

SHEILA FERNÁNDEZ COBAS 

RUBÉN OUBIÑA PAZ 

SALOMÉ TRONCOSO VIÉITEZ 

ÓSCAR SOTO ABADÍN 

JUAN MANUEL BAPTISTA OVIEDO 

ANDRÉS SAMPEDRO FERNÁNDEZ 

JORGE CALDAS DOMÍNGUEZ 

MARÍA DEL CARMEN ALONSO ALONSO 

CONCEPCIÓN ISOLINA SOMOZA CALVIÑO 

PABLO NOVÁS CABALLERO   

CANDIDATOS AO SENADO 

MARTA LUCIO GÓMEZ 

SUPLENTES 

RAFAEL LOUZÁN ABAL 

ROCÍO DE SINDE PENAS  

MIGUEL FIDALGO IGLESIAS 

SUPLENTES 

MARÍA ELVIRA LARRIBA LEIRA 

MANUEL ÁNGEL LORES BUEZAS  

JOSÉ CRESPO IGLESIAS 

SUPLENTES 

JESÚS OTERO VARELA 

CONCEPCIÓN ORTEGA MARTÍNEZ