TUI

DEPORTES

Campus de Tecnificación Joe Arlauckas - Tui 2015 

Celebrarase desde o vindeiro luns 27 de xullo ata o sábado 1 de agosto

Campus Joe Arlauckas - Tui

 Desde o vindeiro luns 27 de xullo ata o sábado 1 de agosto celebrarase o Campus de Tecnificación JOE ARLAUCKAS - TUI 2015. 

 O Campus conta coa colaboración e asesoramento de Moncho López, ex adestrador da Selección Española e actual adestrador do F.C. Porto e da Selección de Angola. 

 Estará dirixido por Joe Arlauckas, ex xogador da NBA e do Real Madrid, que xunto a un equipo de adestradores superiores como Rafa Monclova (Sevilla Baloncesto), César Iglesias (Selección Galega), Andrés Cadahía (C.B. Rosalía Fedesa), José Miguel González (C.B. Tui) e Miguel Ángel Simón (C.B. Tui), adestrarán a 50 xogadores procedentes das canteiras de equipos galegos, portugueses e de equipos ACB, ADECCO e LEB. 

 Está confirmada a visita o Campus 2015 de dous xogadores da Liga Endesa ACB como son Salva Arco, xogador do COB Ourense recentemente ascendido a Liga ACB, e David Navarro do Basket Club Andorra, así como tamén asistirá o adestrador LEB Yago Casal (fillo de Pepe Casal, que foi preparador físico de Pau Gasol) que dará varias master class. 

 Nesta edición 2015 asistirán xogadores como o galego Brais Gago (internacional e xogador do C.B. Clavijo), Elena de Alfredo (internacional e xogadora da Universidade de Tampa, EEUU), Pablo Villarejo (Araberri Basket Club), Carlos Hidalgo (internacional e xogador do Baloncesto Sevilla Cajasol), Sebastián Bacale-Mbansogo (C.B. Fundación Fuenlabrada), Guille Mulero (junior Real Madrid e recente campión da Euroliga), xogadores das canteiras de clubes portugueses como o F.C. Porto, Club dos Galitos, Sampaense Basket, Clube Baloncesto Valença, así como tamén xogadores das canteiras de equipos galegos como o COB Ourense, C.B. Tui, C.B. Baiona, C.B. Seis do Nadal, C.B. Redondela, C.B. Defensores do Morrazo, Bosco Salesianos Ourense, C.B. Condado, etc.