A GUARDA

A ASOCIACIÓN SAN XEROME PARTICIPA NUN PROXECTO DE INVESTIGACIÓN XENÉTICA PARA COÑECER AS CAUSAS DA DISCAPACIDADE

O proxecto consiste na realización dun análise xenético a través dun exoma. O custe supera os 2.300,00 € por familia que serán asumidos na súa totalidade polo proxecto

Infogauda / A Guarda

 A Asociación San Xerome Emiliani participará no  proxecto de xenética da discapacidade intelectual que será coordinado  por Ángel Carracedo Álvarez (catedrático da Facultade de Medicina da Universidade de Santiago de Compostela. Director da Fundación Pública Galega de Medicina Xenómica – Sergas).

 "O obxectivo deste proxecto é determinar as causas da discapacidade intelectual naqueles casos onde non existe un diagnóstico claro", adiantou Feliciano Valcárcel, xerente do Centro San Xerome.

 Valcárcel dixo tamén que "a poboación obxecto de estudo son aquelas persoas con discapacidade intelectual sen un diagnóstico, con nai e pai.

A tódalas familias que participan se lles dará unha explicación e asesoramento dos resultados obtidos no test de xenética.

 O proxecto consiste na realización dun análise xenético a través dun exoma. O custe supera os 2.300,00 € por familia que serán asumidos na súa totalidade polo proxecto".

 Dende a Asociación San Xerome Emiliani participarán neste estudo 19 familias do servizo de Centro de Día,  Ocupacional e Educación, que son a totalidade das que cumplen os requisitos esixidos no proxecto.

 "O equipo multiprofesional do Centro San Xerome considera moi importante coñecer qué alteracións do genoma teñen que ver coa discapacidade intelectual, ou cales de elas non teñen que ver con un xen alterado. No futuro se farán valoracións mais moleculares e non tan centradas no análisis conductual. Este tipo de estudios aumenta posibilidades nos modelos de intervención con persoas con discapacidade, orientando os profesionais que áreas sería interesante estimular mais precozmente ou pensar en potenciais terapias que surden cada día", afirmou Feliciano Valcárcel.

 "E unha oportunidade - dixo Valcárcel - de coñecer mais sobre discapacidade intelectual, para poder asesorar mellor as nosas familias e realizar intervencións mais axustadas as necesidades e potencialidades dos nosos usuarios".