A GUARDA

O MUSEO DO MAR DA GUARDA LUCE O NOVO ACUARIO CON CAPACIDADE DE 800 LITROS

                          Acuario mariño no Museo do Mar de A Guarda

Foto. C.A.G.

Infogauda / A Guarda

 O Museo do Mar do Concello de A Guarda, ubicado na réplica da fortaleza da Atalaia, preto do contradique do porto pesqueiro, xa luce o novo acuario con capacidade para 800 litros de auga.

 Este acuario, que ten o dobre de volume có anterior que contaba con 375 litros, reproduce un espazo mariño litoral como o que se pode encontrar na costa de A Guarda. Así, as especies que conviven nel, son as que tamén están presentas nas augas que bañan esta localidade. De esta maneira hai muxarras, serráns, bretas ou fanecas, ademáis de ourizos de mar, caramuxos e diferentes anémonas de mar.

 Co paso do tempo o concello espera poder incluír cada vez máis especies e incluso engadir peixes de area, xa que todos os que conviven ata o momento son especies de pedra.

 Outra das novidades que presenta este acuario é que ten iluminación led, que fai que os visitantes poidan distinguir moito mellor os animais.