PONTEVEDRA

A DEPUTACIÓN ADXUDICA OS PROGRAMAS "TI TAMÉN CONTAS" E "PENSA EN TÍ" NOS QUE PARTICIPARÁN MÁIS DE 13.000 PERSONAS EN 704 OBRADOIROS

Infogauda / Pontevedra

 A xunta de goberno da Deputación de Pontevedra aprobou o pasado xoves a xestión e execución dos programas sociais "Tí tamén contas" e "Pensa en tí" que teñen un orzamento total de 529. 000 euros e posibilitarán a realización de 704 obradoiros na práctica totalidade dos concellos da provincia.

 "Tí tamén contas", que conta cun orzamento de 200.000 €, celebrará 260 obradoiros nos que participarán 5.000 personas. O ano pasado foran 210 as asociacións que  contaron con igual número de obradoiros.Os beneficiarios do programa son entidades de maiores, pensionistas e xubilados e entidades que traballen no eido do maior. 

 Respecto ao programa "Pensa en Ti", que acada os 329.000 € de orzamento, posibilitará o desenvolvemento de 444 obradoiros nos participarán 8.500 personas. O ano pasado foron 387 as asociacións que contaron con eles.

 En "Pensa en tí" os beneficiarios son asociacións e entidades de mulleres, asociacións de veciños e outras similares.

 O coste para os usuarios dos cursos e actividades incluidas en ambos programas é de 6 € por participante.