A JUDOKA GUARDESA TECLA CADILLA ACEVEDO LOGRA O CAMPIONATO DE ESPAÑA DE JUDO
Tecla Cadilla Acevedo
Foto: Arquivo Ximnasio Do-Majó
Infogauda / A Guarda
A xoven judoka Tecla Cadilla Acevedo, ven de proclamarse Campioa de España de Judo 2015, na categoría Junior - 57 quilos (Féminas), na que participaron 19 judokas.
Nesa categoría, a clasificación quedou deste xeito: 1ª Tecla Cadilla Acevedo (Galicia); 2ª Marina Fernández Ramírez (Madrid); 3ª María Ruiz Muro (Rioja); 3ª Ana Pérez Box (Valencia); 5ª Noelia Carracedo Pérez (Madrid); 5ª Maider Jiménez Garcés (Navarra); 7ª Neus Pou Jiménez (Valencia); 7ª Patricia Torres Raves (Catalunya).
O Campionato de España de Judo Junior 2015 celebrouse o sábado día 7 de marzo, no Polideportivo Municipal Príncipes de Asturias, na localidade de Pinto (Madrid).
Cabe salientar que no Campionato de España Junior de Judo 2015, o medalleiro por clubes autonómicos está encabezado por Valencia, con 14 participantes, que acadaron un total de 4 medallas de ouro, 1 de prata e 5 de bronce; e en segunda posición figura Galicia, con 21 participantes, que acadaron 4 medallas de ouro, 1 de prata e 3 de bronce. En terceira posición figura a Comunidade de Madrid, que contou coa participación máis numerosa - 35 judokas -, acadando 3 medallas de ouro, outras 3 de prata e 8 de bronce. Polo tanto, os resultados acadados polos judokas galegos, merecen tódolos parabens, e de xeito especial para Tecla Acevedo Pacheco.
Ningún comentario:
Publicar un comentario