CAMPOSANCOS

PLENO EXTRAORDINARIO DA ENTIDADE LOCAL MENOR DE CAMPOSANCOS

Terá lugar este venres día 28 de novembro ás 20:00 horas.

Infogauda / Camposancos

 O presidente da Entidade Local Menor de Camposancos ven de convocar unha sesión extraordinaria da Xunta Veciñal de Camposancos, para este venres día 28 de novembro - na convocatoria figura o venres día 29 de novembro, seguramente segundo o calendario particular do secretario, Fernando Coello Vicente, como xa aconteceu noutra ocasión precedente -, ás 20:00 horas.

 A Orde do Día está formada polo seguintes asuntos:

 1º.- Aprobación da Conta Xeral 2013.

 2º.- Proposta da Presidencia da aprobación do Regulamento sobre o uso da Factura Electrónica.

 3º.- Proposta da Presidencia para a adhesión ao punto de entrada de facturas electrónicas da Administración Xeral do estado.

 4º.- Ratificación detallada do acordo de permuta con D. Simón Iglesias Martínez aprobado no pleno celebrado o 14 de abril de 2014 coma cuarto punto da orde do día.

 5º.- Ratificación detallada do acordo de permuta con D. Miguel Sousa Alfonso aprobado no pleno celebrado o 14 de abril de 2014 coma quinto punto da orde do día.

 Con esta convocatoria - dada a coñecer nalgún caso concreto no día de onte 26 de novembro ás 21:50 horas - faise entrega dun DVD con toda a documentación da Conta Xeral 2013, e copias das propostas da Presidencia. Toda esta documentación está dispoñible, así mesmo, na oficina da Entidade de luns a venres de 9 a 14 horas e de 16 a 19 horas.

 Convocados: Rafael Rodríguez Rivero, María Luz Alonso Carrero, Almudena Verde Pérez e María Jesús Martínez Martínez.