ACTO INFORMATIVO DO BNG SOBRE A SUBA DA TARIFA ELÉCTRICA
O Bloque Nacionalista Galego organizará o vindeiro luns día 5, ás 20:30 horas, no Centro Cultural da Guarda un acto informativo sobre a suba no recibo da luz.
No acto intervirán Xan Lois Lomba, concelleiro do BNG na Guarda, e Carme Adán, deputada do BNG no Parlamento Galego.
É de recente actualidade a anunciada e tradicional suba da tarifa eléctrica, fundamentada en confusos argumentos que á inmensa maioría da cidadanía non lle soan máis que a excusas. Mesmo a lectura do recibo da luz antóxase complicada e para nada transparente.
A través desta charla, o BNG pretende clarificar gran parte das cuestións que xiran entorno ao negocio da electricidade, do seu exorbitado encarecimento tras a súa privatización e de porqué debería existir unha tarifa galega nun país que é productor excedente de enerxía eléctrica.
Non é menos importante sinalar a visión centralista que se ten de Galiza, visto como un territorio productor de electricidade.
(R.)
Ningún comentario:
Publicar un comentario