A GUARDA

OS AFILIADOS A COMISIONS OBREIRAS MOLESTOS COA DECISIÓN DA DIRECCIÓN DA UNIÓN COMARCAL DE VIGO DE PECHAR O LOCAL SINDICAL DE A GUARDA

Infogauda / A Guarda

Logo de habelo anunciado verbalmente "en petit comité", é decir, somentes ás persoas que veñen desenvolvendo a cotío tarefas sindicais no local que Comisions Obreiras ten na vila de A Guarda, de que desde finais do presente mes de febreiro de 2013, o devandito local será pechado; varios afiliados a esa central sindical teñen remesado súas respectivas comunicacións os diferentes órgaos do sindicato, expresando seu malestar por esa decisión, que consideran de todo punto inaceptable, inxustificada e desconsiderada cos afiliados, que en moitos casos teñen esa condición desde fai máis de 35 anos.

Segundo puido saber Infogauda - o único medio de comunicación que se ten feito eco desa nova -, non existen razóns que xustifiquen o peche do local que CC.OO. ten aberto no pobo de A Guarda, dando servizo de asesoramento á traballadoras/es, desempregadas/os e pensionistas, desde finais da década dos anos 70 do pasado século. A delegación sindical que CC.OO. ten desde aquela na vila guardesa non e unha rémora - nin o foi nunca - nin para a Unión Comarcal de CC.OO. de Vigo, nin para o Sindicato Nacional de CC.OO. de Galicia nin moito menos para á Confederación Sindical de CC.OO.. Por iso as/os afiliadas/os das localidades de Tomiño, O Rosal, Oia e A Guarda, que tiñan como referente o local sindical de CC.OO. en A Guarda, tanto pola súa proximidade como pola atención que recibían, non aceptan que no futuro inmediato - desde finais do presente mes - teñan que desprazarse ao local de O Porriño ou a Unión Comarcal de Vigo. Esa negativa está baseada fundamentalmente en dúas razóns, que son doadas de comprender: 

1ª.- Para desprazarse ao Porriño conleva obviamente, percorrer unha maior distancia na estrada e dispor tamén de máis tempo. Iso supón un quebranto - mesmo económico  - para moitos afiliados, que polas súas características persoais, non poden asumir.

2ª.- Pola proximidade, ata o de agora, co local sindical e co persoal de A Guarda, as/os afiliadas/os tamén dispuñan de un trato persoalizado, xa que ás persoas que lles atendían son veciños, i en moitos casos, o alto grao de confianza existente, permitía un mellor coñecemento do problema e unha maior axilidade na súa eventual resolución.

Hai - segundo puido saber este xornal dixital - máis razóns polas cales moitos afiliados síntense molestos pola decisión adoitada pola Unión Comarcal de CC.OO. de Vigo, compartida por activa ou por pasiva, polo S.N. de CC.OO. de Galicia. Entre esas razóns, está o feito de haber contribuído - mesmo en épocas económicamente máis complexas que as actuais - o sostemento da modesta infraestructura que Comisions Obreiras ten na vila de A Guarda desde máis de tres décadas. 

A presenza activa de Comisións Obreiras no pobo de A Guarda, fixo posibles moitos logros socioeconómicos que repercutiron positivamente no conxunto da sociedade de toda á comarca do Baixo Miño. 

Que agora, por parte da dirección comarcal do sindicato se pretenda dar un portazo as/os afiliadas/os non di nada positivo en favor das persoas que acordaron de xeito unilateral - é decir, sin manter previamente unha asamblea cos afiliados para expor á situación e tentar acadar unha solución - pechar o local sindical que CC.OO. ten en A Guarda. 

Segundo os datos dos que dispomos, os gastos correntes que conleva manter aberto o local sindical de A Guarda, sin seren prohibitivos, senón máis ben craramente moderados e asumibles; mesmo poderían verse reducidos, pois ás persoas que veñen desenvolvendo súa labor diaria no devandito local estiveron vendo posibles alternativas que chegado o intre oportuno, mesmo poderían permitir un aforro mensual no gasto. Ainda que repetimos, á decisión de pechar o local, non ven motivada por cuestións de tipo económico. Serán en todo caso, segundo pudemos saber, debidas á outras cuestións, que probablemente non se lles queren explicar as/os afiliadas/os, pero non por causas económicas. Por iso, as/os afiliadas/os sinten un gran desacougo o verse privados de un servizo sindical que valoran moi positivamente, e así o veñen manifestando reiteradamente, e agora míranse abocados a unha orfandade que consideran non son merecentes, xa que o local sindical de A Guarda tiña ata antes de saberse que á dirección do sindicato determinara pechar á delegación de A Guarda; un bo número de afiliadas/os cotizantes. Moitos deles, vencellados o sindicato desde que CC.OO. abriu súas portas na vila de A Guarda pouco tempo despois do pasamento do dictador Franco. O vérense privados de un servizo que tiñan á súa disposición a moi pouca distancia dos seus respectivos fogares, alguns adoitaron á decisión de causar baixa como afiliadas/os, como sinal de rexeitamento a unha decisión que consideran inaceptable, que de ser reconsiderada por parte das persoas que decidiron pechar o local sindical de A Guarda, e deixar ese peche sen efecto, moitas/os afiliadas/os que nas semanas precedentes deixaron de selo, voltarían novamente a formar parte do seu sindicato: As Comisións Obreiras.

Resulta incomprensible, como onde menos se agardaba, poida haber tanta insensibilidade, nomeadamente por parte dos órgaos de dirección que decidiron pechar o local sindical de CC.OO. en A Guarda. Que saiban - dixeron a Infogauda varios afiliados - que ese é un erro táctico que probablemente máis axiña que tarde, vai xerar consecuencias ben notorias. As máis inmediatas son á desafiliación de un bo número de persoas que desde fai moitos anos mantíñanse fieis o seu vencello co sindicato de CC.OO.. Pero haberá, con toda probabilidade outras consecuencias máis, que nestes intres son doadas de prever, ainda que algúns non queiran nin siquera pensa-lo. En todo caso, os responsables do peche do local sindical de CC.OO. de A Guarda, ainda están a tempo de rectificar. E sobor de todo, de convocar unha asamblea xeral de afiliadas/os e deixar ben craro cal é o nivel de compromiso que á dirección da Unión Sindical Comarcal de Vigo ten cos afiliados de Tomiño, O Rosal, Oia e A Guarda. Se non o fan, demostrarán unha inxustificable insensibilidade que desde xa as/os afiliadas/os reproban enérxicamente.