O ROSAL

CARME ADÁN E ALBERTE ALONSO PEREIRA, VISITAN AOS AFECTADOS/AS DAS PREFERENTES PECHADOS NO CONSISTORIO DE  O ROSAL 

A deputada e o portavoz nacionalista no Rosal, reiteraron o apoio ao colectivo e anuncian a presentación de novas iniciativas parlamentarias ao fin de asegurar o cobro das cantidades estafadas por NCG Banco

     Carme Adán e Alberte Alonso, visitaron o colectivo de afectados polas participacións preferentes que mantén un encerramento na sala de plenos do Concello do Rosal

Infogauda / O Rosal

A portavoz de Política Social do BNG, Carme Adán, acompañada polo portavoz municipal, Alberte Alonso Pereira, visitou, (a última hora da tarde de onte),  ao colectivo de afectados/as polas participacións preferentes pechados no salón de Plenos do concello de O Rosal.

A deputada trasladou o seu apoio e o do BNG ás protestas dos encerrados e anunciou a presentación de máis iniciativas parlamentarias destinadas a resolver unha situación que afecta a miles de galegos e galegas que, polo momento, non poden  recuperar os cartos investidos nas participacións preferentes. 

O salón de sesións plenarias do concello rosaleiro, é o lugar onde permañecen pechadas ás persoas afectadas polas estafas bancarias, que recraman unha solución digna á súa problemática

Para a parlamentaria do BNG, a emisión de participacións preferentes e subordinadas representan  unha   “estafa e abuso de confianza” e denunciou que o Goberno galego aínda no impugnara ante o Tribunal Constitucional unha “lei que invade competencias autonómicas” e mesmo da cobertura xurídica ao “saqueo” de miles de aforradores estafados por bancos e caixas.

Na súa visita, a deputada do BNG reclamou a devolucións da totalidade dos cartos aos afectados e manter a vía de arbitraxe para aqueles que a solicitaron.