PONTEVEDRA

A DEPUTACIÓN DE PONTEVEDRA PON EN MARCHA O PACTO POLA CALIDADE E A PRODUTIVIDADE SOCIAL NO EMPREGO DO  PROXECTO aQuelando3

A Deputada dos Servizos Socias e Promoción de Emprego da Deputación de Pontevedra, Marta Iglesias Bueno, pechou os seminarios de sensibilización para o desenvolvemento das cartas de servizos que tiveron lugar os días 30 e 31 outubro. Estes seminarios supoñen o inicio das accións do Pacto pola Calidade e a Produtividades Social no Emprego do proxecto «aQuelando3» subvencionado polo Fondo Social Europeo, que foi firmado por todas as entidades adheridas o pasado 12 de setembro do presente ano.

Celebráronse, concretamente, dous seminarios un dirixido o persoal técnico dos servizos sociais dos concellos que integran as mancomunidades adheridas o mencionado Pacto ( Mancomunidade do Salnés, Mancomunidade dos Vales Ulla- Umia, Mancomunidade de  Terras do Deza, Mancomunidade De Municipios  Val Miñor , Mancomunidade do Baixo Miño e o Grupo de Desenvolvemento Rural do Condado-Paradanta. E outro dirixido o persoal técnico das entidades sociais, empresarias e sindicatos adheridos o Pacto ( Cruz Roja Española, Cáritas, COGAMI, FADEMGA, Fundación ERGUETE, FADEMUR, AJE, AEMPE, APE-Galicia,  APE-Pontevedra, UGT, CCOO e a Universidade de Vigo.

Este traballo ten como finalidade fomentar a mellora da calidade dos servizos de Atención a Persoas mediante a simplificación de trámites, facendo mais accesibles os recursos públicos de información e asesoramento e que as entidades adheridas o mencionado Pacto traballen da man da entidade provincial na xestión da calidade nos servizos de atención a persoas.

O Pacto vai establecer un vínculo de implicación e interacción entre tódalas entidades participantes para fomentar o desenvolvemento local. O conxunto de actividades que se desenvolvan ao abeiro do mesmo suporán unha iniciativa activa de creación de emprego que aunará os esforzos de tódalas entidades supramunicipais, axentes sociais e económicos adheridos a esta iniciativa co gallo de fortalecer o emprego existente, fomentar a plena ocupación, identificar as posibles liñas de negocio, promover o autoemprego e facilitar a inserción socio-laboral das persoas pertencentes aos colectivos de difícil inserción na provincia de Pontevedra a partir da posta en marcha de programas, proxectos e actividades a nivel local, comarcal e provincial no eido de atención a persoas.

Neste senso, compre destacar que a Deputación de Pontevedra traballa por acercar a administración ás cidadáns da provincia, profesionalizar o sector de atención as persoas mediante unha formación acreditada que mellore a empregabilidade das persoas interesadas en traballar no sector, obxectivos do proxecto aQuelando3.