PONTEVEDRA

LOUZÁN E ONCE ALCALDES ACORDAN CONSTITUIR UNHA COMISIÓN PROVINCIAL COORDINADORA DE CONCELLOS DE INTERÉS TURÍSTICO

Buscan planificar actividades, coordinarse, dar un salto de calidade, ofrecer servizos máis eficientes e aforrar costes

    Panorámica do porto de A Guarda (Pontevedra) - Foto: Ricardo Rodríguez Martínez

O presidente da Deputación de Pontevedra, Rafael Louzán, acordou con once alcaldes de concellos turísticos a creación dunha Comisión Provincial Coordinadora de Concellos de Interés Turístico de Pontevedra.

Según explicou Louzán en rolda de prensa, na Coordinadora, que se integrará en Turismo Rías Baixas, participarán os once concellos pontevedreses que ostentan tal denominación _O Grove, Sanxenxo, Vilagarcía, Cambados, Cangas, Tui, Mondariz-Balneario, Nigrán, Baiona, Poio e A Guarda_ así como a Xunta de Galicia, o Estado (a través da Subdelegación do Goberno) e a propia Deputación de Pontevedra.

Obxectivos, fins e actuacións

Entre os obxectivos da nova agrupación de concellos figura a necesidade de abordar, de xeito conxunto, problemas e aspectos comúns a todos eles. Os once anteditos son os que reciben maior afluencia de turistas e tamén de visitantes de concellos próximos. E, dalgún xeito, constitúen a imaxe promocional exterior das Rías Baixas.

Na actualidade, todos eles teñen problemas derivados da escasez de guardia civil e  policías locais na tempada estival, dificultades de contratación de personalde limpeza, emerxencias, socorrismo e outros producidos porque, na maioría dos casos, duplican ou cuatriplican a súa poboación en verán sin que a dotación dos seus servizos se altere.

A Coordinadora de Concellos de Interés Turístico de Pontevedra definirá, en coordinación coa Deputación Provincial, un Manual de Boas Prácticas Turísticas, poñerá en marcha un identificativo en cada concello para resaltar a súa catalogación turística e traballará de xeito conxunto e coordinado para que, a través de  economías de escala, aforrar costes nas compras de material e servizos dos citados concellos.

Co obxectivo de manter o seu alto nivel de calidade na prestación de servizos xerais e medioambientais, a Coordinadora traballará en conxunto e contará, nas distintas administracións, con algún baremo particular á hora de reparto de fondos orientados ao turismo.

Plataforma de Servizos Turísticos

Según Louzán, esta medida xa estará operativa na creación da Plataforma Integrada Intelixente de Servizos Turísticos de Pontevedra para cuia creación a Deputación acaba de obter 2,5 millóns de euros (2 de fondos europeos e 500.000 da institución provincial). Trátase dun proxecto para inversións e explotación de I+D+i en empresas turísticas.

O presidente explicou que a Plataforma transformará o actual Turismo 1.0 noutro que incluirá a interacción cos usuarios (2.0) e con información en tempo real relacionada (3.0). Centralizará e xestionará toda a información turística dende un único punto de entrada, proporcionando ao visitante tanto puntos físicos de información como novos canais virtuais. 
”Hoxe, o mercado turístico baséase nos portais de turismo públicos, coa súa información estática, pero tamén, cada vez máis, no uso masivo de Internet, smarphones, tablets, etc. asi como en portais privados de hoteis ou voos, nas redes socias, etc. E todo eso porque o perfil do turista é distinto ao tradicional. Por eso creamos esta Plataforma, porque moitas Pemes non teñen capacidade para asimilar o cambio producido e, en consecuencia, disminúe a súa produtividade (...)", afirmou Louzán.

Cooperación, eficiencia, aforro

A Plataforma diríxese as 27.027 empresas ligadas ao sector turístico na provincia, unha cifra que representa o 38,12% do total de empresas de Pontevedra e que aporta o 12% do  PIB dela.

O alcalde de O Grove, Miguel Angel  Pérez, destacou que a Coordinadora nace pola preocupación común en "dar valor", preservar a imaxe de calidade de Galicia e do seu turismoe solucionar de xeito conxunto temas como seguridade, contratacións, etc. ”(...) pois estes concellos teñen que contratar entre 50 e 150 personas máis no verán para manter servizos (... ).”

Tanto Pérez como o alcalde Baiona, Vázquez Almuiña, suliñaron que “(...) non somos un club de presión, senón que ofertamos incrementar a cooperación para mellores servizos e aforro de costes. Queremos planificar actividades, coordinarnos e dar un salto de calidade”, afirmaron.