A GUARDA

O CDL – A GUARDA CONDENA A ANULACION DUNHA SUBENCION POR PARTE DA XUNTA DE GALICIA

O Centro Democrático Liberal da Guarda lamenta a anulación dunha subvención dada por parte da Xunta de Galicia. Dita subvención que tiña como fin rematar coa reforma da sala de exposicións do Centro Cultural.
O goberno da Xunta, deixa sen efecto para toda Galicia unha axuda que, no noso concello tiña por obxecto seguir coa política de melloras e mantemento do equipamento do Centro Cultural.

Unha orde da Consellería de Cultura e Turismo anula a subvención para equipamentos e mellora das instalacións e locais utilizados para a realización de actividades culturais que tiña financiamento de Europa a través dos fondos FEDER (fondos europeos de desenvolvemento rural). Isto quere dicir que da cuantía que aportaba a Xunta, unha parte era fondos europeos, co cal a súa aportación real era menor e, o que é peor, déixanse de investir na Guarda cartos que veñen de Europa.
A Xunta rebaixou fai uns meses nun 62% a subvencion destinada a o funcionamento dos conservatorios municipais a nivel autonómico dunha cuantia total de 320.249,35€ no ano 2010 rebaixouna 120.461,08 € no 2011, o que para o Concello da Guarda significou que unha axuda de 10.646,21€ no 2010 se quedaran en 3.666,04€ para o 2011. Esta rebaixa converte a participacion da Xunta no noso conservatorio en case insignificante. Dos 183.974,10 € que temos orzamentados a Xunta aporta un 2% que é 3.679,482€.
Dende o CDL – A Guarda suxerimos a Xunta que retome esta subvención. Dado que en tempos de recortes que son necesarios nunha época de crise como a que estamos pasando. Os recortes non poder ir polo camiño de recortes nos departamentos fundamentais como son a Cultura e a Educación, entre outro.
Dado que é un ben para o pobo da Guarda e é unha necesidade a dinamización de dito edificio non entendemos o posicionanmento da Xunta en anular dita subvención.

Xermán Cordero Verde
Presidente e voceiro municipal do Centro Democrático Liberal

A Guarda a 24 de Outubro do 2011