A GUARDA

Respecto enormemente a decisión e elección de cada quen a votar o que lle plazca, pero, sabemos que ocorre cando se vai a votar ou se se decide non facelo?

- Se non votas non terás a quen reclamarlle nada, o partido gañador fará coa túa persoa, a túa vida e os teus bens, o que outros decidan sen ti participar, (ex: idade xubilatoria, paro, etc), significa que estás de acordo co que a mayoria, é dicir os outros decidan por ti, coma se foses incapacitado ou un menor de idade.

- Se votas en branco significa que non estás de acordo con ningún dos que se presentan, pero ese voto conta á hora de repartir concelleiros, e os que saen gañando con el, son os partidos maioritarios.

- Faltaría engadir que, en rexións como a nosa, onde o "voto por costume" está á orde do día, non se beneficia ninguén, salvo aos mesmos ineptos de sempre.

- Outro tema interesante é o da maioría absoluta, como a que sufrimos desde as últimas eleccións. Nela non se discute, non se fan pactos, pero se exerce unha prepotencia e chulería coñecida por todos.

- O voto dos mozos é un voto limpo, sen manipulacións corrosivas de poder e diñeiro. É un voto cheo de ilusións, de ideais, de honestidade e desexos de facer ben. Non nos priven dese aire freco que tanto necesita a política, ide a votar, soamente vós podedes lograr que volvamos crer nos políticos.

- Non votar NON é unha DECISIÓN senón unha FALTA DE DECISIÓN.

CUSTOU MOITAS VIDAS PODER EXERCER O DEREITO A VOTAR, ASI QUE EN MEMORIA DESAS XENTES QUE LOITARON PARA QUE TI POIDAS ELIXIR O TEU GOBERNO, DEBERÍAS FACELO.

O 22 DE MAIO SERÁ COMA TÍ DECIDAS.....

VOTA!!!!!

ZZZZ...MOSQUITO CAPÓN