OURENSE

O CONGRESO DE CALIDADE E INNOVACIÓN NO PEQUENO COMERCIO ANALIZA A SITUACIÓN ACTUAL DO SECTOR

O Centro Cultural da Deputación de Ourense acolle mañá martes, 27 de outubro, a partir das 16.15 horas, a celebración do 5º Congreso de Calidade e Innovación no Pequeno Comercio, no cal se analizará a situación actual pola que atravesa o sector do comercio minorista.

Infogauda / Ourense

Coa colaboración da Deputación de Ourense, o programa inclúe relatorios sobre a maneira de atraer e fidelizar ao cliente, a cargo de Enrique Benayas, director do Instituto de marketing Directo e Relacional, ou “O comercio de nova xeración”, conferencia impartida por Marta Rodríguez de la Fuente, profesora do Departamento de Organización de Empresas e Marketing da Universidade de Vigo.No ámbito sociolóxico e da comunicación, as intervencións estarán ao cargo de Emilio Atrio, presidente do Consello Social da Universidade de Vigo, quen falará sobre “Sociedade, universidade e comercio”, e José Antonio Zarzalejos, ex director de ABC, quen disertará sobre “As clases medias e a crise política e económica”.O congreso comezará ás 16.15 horas co acto de inauguración, no salón de actos do Centro Cultural da Deputación, e rematará ás 21.00 horas.