MOTOR

O equipo rosaleiro SEMPRE O CORTE disputou o XVIII Rally do Albariño 2009

Jorge Díaz Ferreira
José Calvar González

Reportaxe: Sempre o Corte

Juan Ramón Martínez Barbosa / O Rosal

A cuarta cita do Campionato Galego de Rallyes tivo lugar o pasado 16 de maio en Cambados. Para o equipo rosaleiro “SEMPRE O CORTE”, que vén de ser presentado recentemente, esta foi a súa primeira participación do ano. Lembramos que por un lado están ao volante dun Peugeot 205 Rally o piloto Jorge Díaz Ferreira (Chiño) e o seu copiloto Miguel Gómez Peláez (Fusco), que participan no grupo X da clase 11. Por outro, cun Peugeot 205 GTI, o piloto José Calvar González (Calvar) e a súa copiloto Eva Costas Rodríguez que competiron tamén no grupo X pero na clase 12.

A victoria final desta edición do Rally do Albariño foi para Pedro Burgo co seu Mitshubishi VIII, o segundo posto para Alberto Meira a bordo dun Mitshubishi EVO IX e o terceiro lugar para Luis Vilariño a mans dun Renault Maximegane Kit Car.

Na clasificación xeral absoluta José Calvar e Eva Costas (dorsal 56) quedaron na lugar 34º pero salientar que remataron Subcampións da Copa Racing Kentes a unhas décimas de Lisardo Abelleira.



Na súa primeira participación Jorge Díaz e Miguel Gómez (dorsal 113) conseguiron o seu obxectivo que non era outro que rematar o rally e terminaron na posición 85ª a pesar da constante choiva que puxo en moitos apuros a todos os participantes.

Premer aquí, para ver a clasificación completa deste rally.

MOTOR

PRESENTOUSE O EQUIPO ROSALEIRO “SEMPRE Ó CORTE” QUE PARTICIPARÁ NO CAMPIONATO GALEGO DE RALLY


Parte dos integrantes do equipo rosaleiro “Sempre ó Corte

Vista traseira do Ferrari F-50

Mitsubishi Evolution IX

Interior do Peugeot 205 Rally

Vista parcial do Ford Sierra Cosworth

Os dous Peugeot 205 do equipo que participarán no Campionato Galego
Jorge Díaz Ferreira (Chiño) e o seu copiloto Miguel Gómez Peláez (Fusco)

A copiloto Eva Costas Rodríguez e o piloto José Calvar González (Calvar)

Reportaxe: Sempre ó Corte
Fotografías: Juan Ramón M. Barbosa / O Rosal

O venres 1 de maio ás 23:00 h. e coa colaboración do Concello do Rosal tivo lugar en Martín, a presentación do equipo rosaleiro “Sempre ó Corte” que, con dous coches, participará no Campionato Galego de Rally.
Por un lado estarán ao volante dun Peugeot 205 Rally o piloto Jorge Díaz Ferreira (Chiño) e o seu copiloto Miguel Gómez Peláez (Fusco), que participarán no grupo X da clase 11.
Por outro, cun Peugeot 205 GTI, o piloto José Calvar González (Calvar) e a súa co-piloto Eva Costas Rodríguez que competirán tamén no grupo X pero na clase 12.
Ata Martín se achegaron para apoiar a este novo equipo rosaleiro - entre outros pilotos - Pablo Pazó, que este ano participa no Nacional de Rallyes sobre Asfalto e Pedro Burgo, que o domingo vén de impoñerse co seu Mitshubishi Evo VIII ao campión do Mundo Didier Auriol na final da “Carrera de Campeones – Trofeo Caixanova” que se disputou no recinto do IFEVI con motivo do Racingshow no Salón do Automóbil de Vigo.
O equipo “Sempre ó Corte” quere agradecer publicamente a axuda e implicación do Concello e o seu alcalde Jesús Mª Fernández Portela, ademáis dos seus patrocinadores así como a desinteresada cooperación da Comunidade de Montes de San Miguel de Tabagón, a adega Lagar de Cervera, o Bar San Martiño ou a tenda de recambios +EVO.
En definitiva a todos os que fixeron posible a creación deste grupo humano de máis de 25 compoñentes e nesta ocasión a pilotos e particulares que axudaron na presentación e exposición de rally.
Lembramos que o venres no Rosal púidose ver grazas á organización de “Sempre ó Corte” un Ferrari F-50, un Mitshubishi Evo IX e tamén un EVO X, un Ford Sierra Cosworth, un ZX Kit-car, coches clásicos, de car cross, etc..