FIGUEIRÓ

A ASOCIACIÓN DE VECIÑOS FONTE DOS CARREIROS AMOSA SÚA SATISFACCIÓN POLAS MELLORAS NA LIÑA ELÉCTRICA NO BARRIO MUIÑOS

Rubén Muñoz Alonso / Figueiró

A Asociación de Veciños Fonte Dos Carreiros mostra a su satisfacción pola renovada liña eléctrica feita no barrio Muiños de Figueiró. Despois de sufrir moitos meses de baixadas e subidas de tensión eléctrica, orixinando perdas de electrodomésticos, alimentos, etc., etc. os veciños do barrio Muiños poderán disfrutar dos seus utensilios eléctricos sen ter que apagar un para prender outro. Este é o froito unha vez máis do traballo desinteresado pero eficaz desta Asociación de Veciños de Figueiró. Despois de varios escritos presentados na empresa que suministra a electricidade dende o mes de marzo, un técnico da empresa reuniuse con membros desta asociación e posteriormente con veciños afectados. A empresa decidiu entón colocar un medidor de potencia, que pasado o tempo corroborou como certas as sucesivas demandas dos veciños. NORABOA! para estes veciños que viron resolto o seu problema.

Por outra banda e seguindo coa nosa liña de traballo e aproveitando a visista do Sr. Conselleiro Don Agustín Hernández ao Baixo Miño, reclamamos a súa atención sobre as obras da rotonda de Figueiró, demandada xa por esta Asociación dende xuño de 2006. En abril deste ano 2011 se nos comunicou de palabra que a partida orzamentaria está reservada para dito fin, pero estamos a piques de rematar o ano e seguimos igual. Sería unha boa noticia para os veciños de Figueiró e os usuarios da carretera PO-552, que no vindeiro ano 2012 sexa unha REALIDADE esta obra tan necesaria para a parroquia. De todos é sabido que neste cruce houbo máis dun accidente polo que a nosa demanda está totalmente xustificada.

FIGUEIRÓ (TOMIÑO)

A ASOCIACIÓN DE VECIÑOS "FONTE DOS CARREIROS", DE FIGUEIRÓ ORGANIZA CLASES DE AEROBIC

Asociación de Veciños "Fonte dos Carreiros" / Figueiró

No noso ánimo de seguir dinamizando a parroquia de Figueiró, comenzamos distintas actividades (Aerobic para adultos, Bailes de Salón, Aerobic para nenoas/os e próximamente Ximnasia para a 3ª Idade), dirixidas a mozas/os, nenas/os e maiores esperando que disfrutedes delas.

O día 1 de novembro comenzan as clases de Aerobic, que se impartirán os martes e xoves, de 21:30 h. a 22:45 h., no Centro Cultural de Figueiró.

Profesora: Sonia Machado.

Teléfono de información: 696 301 261 (Catalina)

FIGUEIRÓ

O GRUPO DE AEROBIC BAILAS MOZA? ACTUARÁ O SÁBADO EN TOMIÑO

Grupo de Aerobic BAILAS MOZA?, de Figueiró, co seu patrocinador Manel Riveiro, Peluqueros.

Rubén Muñoz Alonso / Figueiró

O vindeiro sábado día 20 de agosto, ás 21:30h., o Grupo de Aerobic BAILAS MOZA?, actuará na Praza do Concello, en Tomiño.

Organiza ADETO e colaboura Asociación de Veciños Fonte dos Carreiros, de Figueiró.

FIGUEIRÓ

ROMARÍA DE SAN CAMPIO DE LONXE

FIGUEIRÓ

O MELLOR DA 6ª SEMANA CULTURAL DE SAN CAMPIO É NESTES DÍAS

Rubén Muñoz Alonso / Figueiró

Éxito de público na 6ª Semana Cultural de San Campio de Figueiró. O sábado a tradicional mallada de treboadas galego-portuguesas reuniu a máis de 120 bombeiros das 5 treboadas participantes. O numeroso público abarrotou a Praza do Telleiro, igual que as terrazas dos 3 establecementos hosteleiros. Os asistentes vibraron con son dos bombos ata a medianoite.

O domingo as distintas exibicións de baile e aerobic a cargo do grupo Bailas Moza? E dos nenos e nenas da parroquia fixeron as delicias dun público entregado que aplaudiu a marabillosa posta en escea onde non faltaron os máis vistoso efectos de son e luces.

O luns foi o día dos e nenos e nenas e dende logoa asistencia do público infantil superou as máis optimistas previsións da Asociación de Veciños Fonte Dos Carreiros. Ademais de inchables, festa de pompas e animación, o televisivo persoaxe de “BOB ESPONJA” fixo realidade o soño das decenas de nenos que bailaron,riron e fixeron longas colas para fotografarse con el. As risas inundaron lúdica e festiva xornada chea de ilusión e fantasía.
Por diante quedan 3 días de SEMANA CULTURAL coas actuacións do Grupo de Acordeóns de Valladares (que actuou o Martes 26 ás 10 da noite), o grupo XAMARAINA da Guarda (Mércores 27 ás 10 da noite) e a ACTUACIÓN O XOVES 28 DA BRASSBAN, que estamos seguros que porá un magnífico broche de ouro a esta semana.
A partir do día 29 comenza a tradicional Romería de San Campio de Lonxe que como tódolos anos reúne a un inmenso número de peregrinos e devotos de San Campio.

O venres 29 a TREBOADA BAIXO MIÑO recorrerá durante todo o día a parroquia e animará co seu ritmo o inicio da festa profana.

Pola noitiña é tradición achegarse ata Figueiró para degustar o tradicional e famoso cordeiro asado ademais doutras viandas típicas destas festas ( callos, empanadas,…)
A verbena correrá a cargo das orquestras ACORDES e CIUDADEVIGO.
O sábado a AGRUPACIÓN MUSICAL DE GOIÁN fará entrada ás 10 da mañá para posteriormente ofrecer un concerto do lugar de costume tamén acompañará a procesión da misa solemne das 12:30h do mediodía.
Pola noite Gran Verbena coas orquestras MARAZUL E SAN FRANCISCO DE LEÓN.
O domingo 31 será a banda de Coruxo e a orquestra solamérica as que pecharán estas magníficas festas do SANTO MÁIS MIRAGREIRO DO BAIXO MIÑO.
Tódolos días haberá amplias zonas de aparcamento habilitadas para facilitar o estacionamento tanto de turismos como de autobuses.

FIGUEIRÓ

FIGUEIRÓ CONVIDA Á VI EDICIÓN DA SEMANA CULTURAL
"SAN CAMPIO"

FIGUEIRÓ

SEMANA CULTURAL DE SAN CAMPIO ANO 2011

Rubén Muñoz Alonso / Presidente da Asociación de Veciños Fonte dos Carreiros, de Figueiró

Gregorio Álvarez Pereira, Presidente do Centro Veciñal e Cultural de Valladares será este ano o pregoeiro da VI Edición da Semana Cultural de San Campio en Figueiró. Persoa moi activa no mundo do asociacionismo veciñal e cultural o mesmo tempo moi querida en Valladares, e por suposto reconocida e queridísima en Figueiró.

Con moito esforzo, con moito máis cariño e coa máxima imaxinación, sin rebaixar o mais mínimo a calidade desta Semana Cultural esta Xunta Directiva, fai unha invitación a tódolos veciños, parroquias lindeiras visitantes que se pasen por Figueiró e a disfruten; temos un programa para tódolos gustos e idades.

Agradecer ós socios a súa colaboración, as empresas de Figueiró, de Tomiño, Goián etc., polas suas aportacións, as administración públicas. Sin elas sería imposible ao desenrolo desta semana cultural.

FIGUEIRÓ

FIGUEIRÓ

SARDIÑADA POPULAR DE SAN XOÁN
Sábado 18 de xuño, a partir das 20:00 h., no recinto do Albergue Parroquial
Sardiñas, pan de millo e tinto paísOrganiza: Asociación de Veciños Fonte dos Carreiros / Figueiró

FIGUEIRÓ

DOMINGO 17 DE ABRIL: IX FESTA DA ORELLA

Rubén Muñoz Alonso / Figueiró

A Comisión de Festas de San Campio de Lonxe de Figueiró organiza o vindeiro domingo 17 de abril a IX Festa da Orella.

A partir das 10 da mañá e durante todo o día, as mulleres que forman un ano máis a Comisión, servirán racións de orella preparada tanto ao modo tradicional (á feira, con pementón) como á vinagreta, que permite tomar a orella templada a modo de ensalada, opción esta máis fresca cando vai calor. As racións inclúen pan, cuberto e prato conmemorativo.

Este ano serviráse tamén carne ao caldeiro, prato que tivo moita aceptación o ano pasado e que permite aos asistentes degustar un menú completo, ademais de chourizo ( á prancha ou frito) e empanada.

A festa terá lugar como sempre na Praza do Telleiro (a carón do Santuario) e haberá unha gran carpa acondicionada con mesas e asentos para maior comodidade.

A comisión de festas invita a tódolos veciños e visitantes a achegarse a esta cita gastronómica en Figueiró, e agradece a colaboración de todos para consolidar esta festa, non só na parroquia, senón tamén no Concello de Tomiño.

FIGUÉIRÓ (TOMIÑO)

GRAN ÉXITO DA 1ª SARDIÑADA POPULAR DE SAN XOÁN EN FIGUEIRÓ

Sandra Carrera Fernández / Figueiró

O pasado sábado 19 de Xuño, celebrouse en Figueiró a primeira Sardiñada Popular de San Xoán, organizada pola Asociación de Veciños Fonte dos Carreiros.

A pesar de prever con anticipación a venda de tiques, o mesmo día vendéronse un setenta por cento a maiores, así conseguíronse asar máis de oitocentas sardiñas superando tódalas previsións polos organizadores.

Tivo tamén moitísimo éxito o pan de millo feito artesanalmente en Martín, no Rosal, igualmente o viño tinto do Baixo Miño.

Centos de persoas pasaron pola parroquia, peregriños devotos de San Campio e dous turistas de Rusia. Así aproveitaron para conocer o fermoso Santuario de San Campio e as súas instalacións.

Esperamos se as cousas van por bó camiño, repetir o ano que ven.

Gustaríanos a esta Xunta Directiva da Asociación de Veciños, aproveitar esta ocasión una vez máis para agradecer enormemente, a sempre desinteresada axuda prestada polo noso querido párroco Don José Luis Portela Trigo, por habernos deixado usar as instalacións do Albergue Parroquial para uso e disfrute de tódolos socios socias, devotos de San Campio feligreses e amigos, veciños doutras parroquias etc. etc.

E a vós veciños de Figueiró, agradecervos tamén a vosa participación, e que nos valera a todos este rato de lecer para estar a gusto cos nosos amigos e familiares, e seguir disfrutando da nosa fermosa parroquia.

FIGUEIRÓ

VIII FESTA DA ORELLA

Infogauda / Figueiró

Este domingo día 11 de abril, celebrarase en Figueiró a VIII Festa da Orella organizada pola Comisión de Festas de San Campio, coa colaboura da Concellería de Cultura, Educación e Participación Veciñal do concello de Tomiño.
A partir das 10.30 horas, e durante todo o día, na Praza do Telleiro servirase orella “á feira” e á vinagreta.

Está instalada unha grande carpa para poder degustar a gusto este prato típico galego. Asemade haberá chourizos fritos e carne ao caldeiro.

Os prezos serán populares e incrúe o prato conmemorativo.

Ademáis serviránse exquisitos viños das Rías Baixas.
A Treboada Baixo Miño amenizará este evento festivo-gastronómico.
Onte sábado, desde ás 21.30 horas, houbo chocolate con churros o abeiro da carpa.
A Comisión de Festas de San Campio 2010, aproveita a ocasión para convidar a tódolos veciños da parroquia e da comarca a VIII Festa da Orella, xunto o santuario de San Campio, en Figueiró (Tomiño).

FIGUEIRÓ (TOMIÑO)

A parroquia de Figueiró será, un ano máis, un centro de referencia socio-cultural no Baixo Miño entre os días 16 e 26 de xullo

Premer nas imaxes para amplialas e así poder ler máis doadamente

Juan Francisco Santos González / Figueiró

Un amplo abano de actividades culturais, festeiras e relixiosas transformarán a Praza do Telleiro e o recinto do Santuario de San Campio nun lugar perfecto para que nenos, xóvenes e maiores desfruten con ledicia dunha programación pensada para todos.
Este conxunto de actividades escomenzarán o xoves 16 de xullo có 1º día da novena a San Campio, a lectura do pregón da IV Semana Cultural de San Campio, a cargo do director do C.E.I.P. Antonio Fernández de Goian, D. Antonio Fernández Bahamonde e a actuación da Banda de Cornetas, Gaitas e Tambores Ría de Vigo e rematarán, na noite do domingo día 26 de xullo, coas actuacións da Banda de Música Escola de Candeán e do grupo Nievla.
Están organizadas pola A.V.V. Fonte dos Carreiros (capítulo cultural), a Comisión de Festas San Campio 2009 (capítulo festeiro), e o reverendo D. José Luis Portela Trigo (capítulo relixioso).