A GUARDA

O ALCALDE, ROBERTO JOSÉ ÁLVAREZ CARRERO, VISITOU LÚA SACRA STUDIO, O NOVO ESTUDO DE TATUAXES E PENDENTES NA GUARDA  

• O Concello da Guarda continúa coa campaña de promoción dos novos establecementos e daqueles negocios que estrean nova xerencia no municipio 

• O estudo, situado na rúa Manuel Álvarez, 30 – baixo esquerda; ofrece servizos de tatuaxe, pendentes, xoiería, eliminación láser de tatuaxes, micropigmentación e microblading 

• O novo establecemento está impulsado pola emprendedora guardesa Montserrat González Pérez, que tras varios anos de experiencia profesional dá o paso de abrir o seu propio estudo na Guarda  

O alcalde da Guarda, Roberto José Álvarez Carrero coa emprendedora Montserrat González Pérez,  de Lúa Sacra Studio

Foto: CAG

Infogauda/A Guarda

 O alcalde da Guarda, Roberto José Álvarez Carrero, visitou, dentro da campaña de promoción dos novos establecementos e daqueles negocios que estrean nova xerencia no municipio, 

 Lúa Sacra Studio, un novo espazo dedicado á tatuaxe, pendentes, xoiería e diferentes servizos relacionados coa estética.  

 O proxecto está impulsado pola emprendedora guardesa Montserrat González Pérez, que tras desenvolver a súa actividade profesional en diferentes estudos de Vigo e noutros puntos da provincia decidiu dar o paso de poñer en marcha o seu propio na Guarda.  

 Lúa Sacra Studio nace coa intención de crear un espazo no que o arte, a expresión persoal, a estética e o coidado se dean a man, ofrecendo unha atención próxima e personalizada e adaptando cada servizo ás necesidades e preferencias de cada cliente.  

 Entre os servizos que ofrece o novo establecemento atópanse os tatuaxes personalizados, piercing profesional e unha selección de xoiería, ademais de eliminación láser de tatuaxes, micropigmentación e microblading.  

 Precisamente, o servizo de eliminación láser de tatuaxes constitúe unha das principais apostas diferenciadoras de Lúa Sacra Studio, incorporando á oferta local un tratamento especializado que permite reducir progresivamente ou eliminar tatuaxes mediante tecnoloxía láser.  

 Durante a visita, o alcalde Roberto José Álvarez Carrero coñeceu o proxecto empresarial de Montserrat González e a oferta de servizos do novo establecemento, así como a súa aposta por crear na Guarda un espazo especializado no que conflúan diferentes disciplinas vinculadas á arte, á estética e á expresión persoal.  

 O alcalde destacou a importancia de seguir apoiando e dando visibilidade ás persoas emprendedoras que deciden abrir novos negocios na Guarda, contribuíndo á diversificación da actividade comercial e á incorporación de novos servizos no municipio.  

 "Dende o Concello da Guarda desexámoslle a Montserrat moito éxito nesta etapa profesional e agradecemos a súa aposta pola Guarda para desenvolver este novo proxecto", dixo Álvarez Carrero.