A GUARDA

A película ‘La red’ estrearase este sábado, 25 de abril ás 20:30h no Centro Cultural da Guarda

• Trátase do episodio nº 59 da serie xuvenil de cine amador ‘Os trotamundos’ 

Infogauda / A Guarda

 Este sábado 25 de abril, ás 20:30h no Centro Cultural da Guarda, estrearase a película de cine amador “La red” de BoscoVision ProduCinema.  

 Esta película independente forma parte da serie xuvenil ‘Os trotamundos’ e está interpretada por mozos e adultos de Galicia. 

 “La red” narra a historia dunha rede misteriosa que pertencía a un barco naufragado que transportaba laranxas e do que só sobreviviu unha moza. O grupo de amigos ‘Os trotamundos’ encontrarán esta misteriosa rede que sempre vai unida a aparición de laranxas na beira do mar. A rede influirá na súa amizade ata que descubran o seu verdadeiro misterio.  

 Ademais, xunto esta estrea tamén se estreará o episodio nº 60 da serie ‘Os trotamundos’ titulado “O cofre vital”, unha película caricatura das aventuras e fantasías piratas.